కర్నూలు, ఆగస్టు 2 : కేంద్ర ప్రభుత్వం రాష్ట్రానికి ప్రత్యేక హోదా ఇవ్వాలని డిమాండ్ చేస్తూ మంగళవారం జిల్లా వ్యాప్తంగా చేపట్టిన బంద్ సంపూర్ణంగా జరిగింది. ప్రధాన ప్రతిపక్ష పార్టీ వైకాపా, వామపక్ష పార్టీలు, జిల్లా బార్ అసోసియేషన్‌లు నిర్వహించిన ఆందోళనలతో జిల్లాలో రవాణా వ్యవస్థ స్తంభించింది.

బనగానపల్లె, ఆగస్టు 2:మండల పరిధిలోని నందవరంలో మంగళవారం శ్రీ చౌడేశ్వరీమాత జయంతి వేడుకలు వైభవంగా నిర్వహించారు. ఆలయ కార్యనిర్వహణ అధికారి విఎల్‌ఎన్ రామానుజన్, కమిటీ చైర్మన్ పివి కుమార్‌రెడ్డి ఆధ్వర్యంలో ఉదయం నుంచి సాయంకాలం వరకూ శాస్త్రోక్తంగా వివిధ కార్యక్రమాలు జరిపించారు. ఉదయం ఎమ్మెల్యే బిసి జనార్ధనరెడ్డి సతీమణి బిసి ఇందిరమ్మ గణపతిపూజతో అమ్మవారి జయంతి ఉత్సవాలను ప్రారంభించారు.

కర్నూలు సిటీ, ఆగస్టు 2:సిఎం చంద్రబాబు రాజధాని అమరావతి పేరుతో నిత్యం విదేశాల్లో తిరుగుతూ సొంత వ్యాపారాన్ని వృద్ధి చేసుకుంటున్నారని పిఎసి చైర్మన్, డోన్ ఎమ్మెల్యే బుగ్గన రాజేంద్రనాథ్‌రెడ్డి ఆరోపించారు. రాష్ట్రానికి ప్రత్యేక హోదా ఇవ్వాలని డిమాండ్ చేస్తూ వైకాపా అధినేత జగన్ పిలుపుమేరకు మంగళవారం నగరంలో బంద్ చేపట్టగా బుగ్గనను టూ టౌన్ పోలీసులు అరెస్టు చేసి, అనంతరం విడుదల చేశారు.

నందికొట్కూరు/మిడుతూరు, ఆగస్టు 2:రాష్ట్రానికి ప్రత్యేకహోదా సాధించేంత వరకూ ఉద్యమిస్తామని ఎమ్మెల్యే ఐజయ్య స్పష్టం చేశారు. ప్రత్యేకహోదా కోసం మంగళవారం వైకాపా, వామపక్షాల ఆధ్వర్యంలో నందికొట్కూరు, మిడుతూరులలో చేపట్టిన బంద్ విజయవంతమైంది. నందికొట్కూరులో ఎమ్మెల్యే ఐజయ్య ఆధ్వర్యంలో వైకాపా నాయకులు బైక్ ర్యాలీ నిర్వహించారు.