గజపతినగరం, జూలై 31: మలేరియా మహమ్మారికి భార్యాభర్తలు బలైన సంఘటన మండలంలోని గంగచోళ్లపెంటలో చోటుచేసుకుంది. కలకాలం కలసి ఉంటామని పెళ్లిలో బాసలు చేసి కొన్నాళ్లు కాపురం చేసి చివరికి మృత్యువులో కూడా ఇద్దరు అరగంట వ్యవధిలోనే బలయ్యారు. వీరిని నమ్ముకున్న నలుగురు ఆడపిల్లలు దిక్కులేని వారయ్యారు.

జియ్యమ్మవలస, జూలై 31: మండలంలో 600 ఎకరాల్లో పండ్లు, జీడితోట ల పెంపకాన్ని చేపడుతున్నట్లు ఎపిఓ. ఎస్సీ కృష్ణారావు తెలిపారు. ఇందులో భాగంగా 450 కిలోల జీడిపిక్కలు బా పట్ల జీడి పరిశోధన కేంద్రం నుంచి జి. సి.సి. తెప్పించినట్లు తెలిపారు. ఈ రకం జీడితోటలవలన ఒకేగుత్తులో 60 నుం చి 70 వరకు జీడిపిక్కలు కాస్తాయని తెలిపారు. 10వేల స్టంపులు కొనుగోలు చేసి తెప్పించామన్నారు.

విజయనగరం, జూలై 31: జిల్లా కలెక్టర్‌గా బాధ్యతలు చేపట్టిన వివేక్‌యాదవ్ ప్రజాసమస్యల పరిష్కారం కోసం కొత్త కార్యక్రమాన్ని చేపట్టారు. ప్రతి సోమవారం ఉదయం 9 నుంచి 10గంటల వరకు డయల్ యువర్ కలెక్టర్ పేరిట కార్యక్రమాన్ని సోమవారం నుంచి ప్రారంభించబోతున్నారు. ఇప్పటివరకు ప్రతి సోమవారం కలెక్టర్ ఆధ్వర్యంలో కలెక్టరేట్‌లో గ్రీవెన్స్ కార్యక్రమం నిర్వహిస్తున్నారు.

విజయనగరం, జూలై 31: విజయనగరం పట్టణంలోని గాజులరేగ ప్రాంతంలో యువతి హత్యాయత్నం కేసులో సకాలంలో స్పందించిన టూటౌన్ ఎస్సై రవికి ఎస్పీ కాళిదాసు ఆదివారం నగదు రివార్డు అందజేశారు. ప్రేమను నిరాకరించిందనే కోపంతో గౌతమి అనే యువతిని కుసుమంచి విక్రమ్ అనే యువకుడు గొంతుకోసి చంపేందుకు ప్రయత్నించిన సంఘటన జిల్లావ్యాప్తంగా సంచలనం కలిగించింది.