బాసర, జూలై 31: బాసర అమ్మవారి సన్నిధిలో ఆదివారం అంత్యపుష్కరాల సందర్భంగా ఆర్‌అండ్‌బి చీఫ్ ఇంజనీర్ క్వాలిటి కంట్రోలర్ అధికారి భిక్షపతి దంపతులు అమ్మవారిని దర్శించుకుని పూజలు నిర్వహించారు. అంతకుముందు గోదావరి అంత్య పుష్కరాల్లో పాల్గొని పుణ్యస్నానాలు చేసి పూజలు నిర్వహించారు. వీరివెంట ఈఈ రమేష్, డిఈ రవీందర్‌రెడ్డి, సర్పంచ్ శైలజా సతీశ్వర్‌రావు పాల్గొన్నారు.

భైంసా రూరల్, జూలై 31: పట్టణంలోని గడ్డెన్నవాగు ప్రాజెక్టు రెండు గేట్లను ఆదివారం ప్రాజెక్టు అధికారులు ఎత్తివేశారు. ప్రాజెక్టు పైభాగా భారీ వర్షాలు కురియడంతో ప్రాజెక్టులోకి వరదనీరు వచ్చిచేరింది. దీంతో రెండు గేట్లు ఎత్తివేసి 4 వేల 10 క్యూసెక్కుల నీటిని సుద్దవాగు ప్రాజెక్టులోకి వదిలారు.

ఉట్నూరు, జూలై 31: రాబోయే మూడేళ్లలో గిరిజన గ్రామాలన్నింటికీ రోడ్డు సౌకర్యం కల్పిస్తున్నట్లు గిరిజన సంక్షేమ, పర్యాటక, సాంస్కృతిక శాఖ మంత్రి ఆజ్మీర చందులాల్ నాయక్ పేర్కొన్నారు. ఆదివారం కొమరంభీం ప్రాంగణంలోని పిఎమ్మార్సీ సమావేశ మందిరంలో ఐటిడిఏ పాలకవర్గ సమావేశానికి వచ్చిన సందర్భంగా మంత్రి చందులాల్ మాట్లాడుతూ తెలంగాణ రాష్ట్ర ప్రభుత్వం గిరిజన సంక్షేమంపై ప్రత్యేక దృష్టిసారించిందన్నారు.

ఉట్నూరు, జూలై 31: ఐటిడిఏ పాలకవర్గ సమావేశం ద్వారా తాము ఎదుర్కొంటున్న సమస్యలకు దిశా దశ చూపిస్తారని అనుకున్న అడవిబిడ్డలకు ప్రభుత్వ యంత్రాంగం, ప్రజా ప్రజా ప్రతినిధులు నిరాశ మిగిల్చారు.