హైదరాబాద్, జూలై 28: విద్యుత్ శాఖ తరపున అండర్‌గ్రౌండ్ కేబుళ్లు, జలమండలి ఆధ్వర్యంలో వాటర్‌పైప్‌లైన్లను ఏర్పాటు చేస్తున్న శ్రీనగర్‌కాలనీ రోడ్డు పునరుద్ధరణ పనులు పదిరోజుల్లో పూర్తి చేయాలని జిహెచ్‌ఎంసి కమిషనర్ డా.బి.జనార్దన్ రెడ్డి ఇంజనీర్లను ఆదేశించారు. గురువారం ఉదయం ఆయన శ్రీనగర్‌కాలనీ రోడ్డు పనులను ఆకస్మికంగా తనిఖీ చేశారు.

ఉప్పల్, జూలై 28: స్వచ్ఛ భారత్, హైదరాబాద్‌లో భాగంగా ప్రధాన, కాలనీల రహదార్లలో బహిర్భూమి, మూత్ర విసర్జన చేయకుండా ప్రజల్లో చైతన్యం తీసుకురావాలని వివిధ శాఖల అధికారులు నిర్ణయించారు. సమన్వయంతో దీర్ఘకాలిక సమస్యలను పరిష్కరించాలని పేర్కొన్నారు.

శేరిలింగంపల్లి, జూలై 28: ఇంటింటికీ నల్లా నీరు సరఫరా చేసేందుకు యుద్ధ ప్రాతిపదికన పనులు జరుగుతున్నట్టు శేరిలింగంపల్లి ఎమ్మెల్యే అరెకపూడి గాంధీ తెలిపారు. చందానగర్ డివిజన్ పరిధిలోని హుడా ఫేజ్2లో తాగునీటి పైప్‌లైన్ పనులకు చందానగర్ కార్పొరేటర్ బొబ్బ నవత రెడ్డితో కలిసి ఎమ్మెల్యే శంకుస్థాపన చేశారు.

కెపిహెచ్‌బి కాలనీ, జులై 28: ఎంసెట్ పరీక్షా పత్రాల లీక్‌పై పలు విద్యార్ధి సంఘాలు ఆందోళన చేస్తూ కూకట్‌పల్లి జెఎన్‌టియుహెచ్ యూనివర్సిటీ ముందు ధర్నా నిర్వహించారు.