చంద్రగిరి, జూలై 26: చంద్రగిరి మండలం శ్రీనివాసమంగాపురంలో శ్రీ కనకదుర్గాంబ ఆలయంలో జరుగుతున్న ఉత్సవాల్లో భాగంగా అమ్మవారు పుష్పపల్లకీపై పురవీధుల్లో ఊరేగుతూ భక్తులకు దర్శనమిచ్చారు. మంగళవారం శ్రీ కనకదుర్గాంబ దేవాలయ ఆవరణలో జరుగుతున్న ఉత్సవాల్లో భాగంగా భక్తులు పెద్ద ఎత్తున పూజా కార్యక్రమాల్లో పాల్గొన్నారు.

రాజమహేంద్రవరం, జూలై 26: ఎంత ఆధునికీకరణ జరిగినా రాజమహేంద్రవరం పేపర్ మిల్లు కాలుష్యం నుంచి రక్షణ లేకుండా పోయింది. కాలుష్య ప్రభావం బహుముఖంగా ఆవరిస్తూనే వుంది. గోదావరి నది ఒడ్డున వున్న పేపర్ మిల్లు నుంచి వెలువడే వ్యర్థ వాయువులు పరిసర ప్రాంతాన్ని శీతాకాలంలో మాదిరిగా పొగమంచులా కమ్మేస్తోంది. శబ్ద కాలుష్యం, వాయు కాలుష్యాన్ని నివారించాలని పరిసర ప్రజలు ఇటీవల ఆందోళన కూడా వ్యక్తం చేశారు.

కాకినాడ, జూలై 26: హెచ్‌ఐవి/ఎయిడ్స్ బాధితుల కోసం ప్రతి ఒక్కరు ఉదారంగా ముందుకు రావాలని జిల్లా కలెక్టర్ హనుమంతు అరుణ్‌కుమార్ పిలుపునిచ్చారు. హెచ్‌ఐవి బాధితుల కోసం రిలయన్స్ ఆధ్వర్యంలో చిరుదీపం పేరుతో నిర్వహిస్తున్న కార్యక్రమం పలువురికి స్ఫూర్తిదాయకం కావాలన్నారు. జిల్లా కేంద్రం కాకినాడలోని రోటరీ హాలులో మంగళవారం చిరుదీపం కార్యక్రమం కింద ఏర్పాటుచేసిన సమావేశానికి కలెక్టర్ ముఖ్య అతిథిగా పాల్గొన్నారు.

రాజవొమ్మంగి, జూలై 26: గల్లంతైన ఎఎన్ 32 వాయుసేన విమానం ఆచూకీ కోసం ఏజెన్సీ ప్రాంతంలో నౌకాదళ హెలీకాప్టర్ల సహాయంతో మంగళవారం విస్తృతంగా గాలింపుచేపట్టారు. ఈ నెల 22న నాగులకొండ పర్వతం సమీపంలో ఒక విమానం పెద్ద శబ్దం చేసుకొంటూ వెళ్లడం చూశామని గిరిజనులు చెప్పడంతో ఆ ప్రాంతంలో అధికారులు గాలింపుచేపట్టారు.