సంగారెడ్డి టౌన్, జూలై 25: మల్లన్నసాగర్ భూ నిర్వాసితులపై పోలీసులు జరిపిన లాఠీచార్జ్‌ని నిరసిస్తూ అఖిల పక్షాలు సోమవారం ఇచ్చిన బంద్ పిలుపు విజయవంతమైంది. కాంగ్రెస్, బిజేపి, సిపిఎం, సిపిఐ నాయకులు ఉదయం 4గంటలకే సంగారెడ్డి బస్టాండ్ ముందు బైఠాయించి బస్సులు బయటకు రాకుండా అడ్డుకున్నారు.ప్రభుత్వానికి వ్యతిరేకంగా భారీ నినాదాలు చేశారు. వ్యాపార, వాణిజ్య, విద్యాసంస్థలు స్వచ్చందంగా బంద్ పాటించాయి.

నెల్లూరు, జూలై 25: ‘శతకోటి దరిద్రాలకు అనంతకోటి ఉపాయాలు’ అన్నట్లు ఇసుక విధానాన్ని మార్చి ఉచితం చేసినా అక్రమ రవాణా ఆగడం లేదు. కొంత మంది ఇసుక అక్రమ రవాణా వ్యాపారం చేసుకొని కాసులు పిండుతున్నారు. నెల్లూరు జిల్లా చెన్నై రాష్ట్రానికి సరిహద్దుగా ఉండడంతో పెద్దఎత్తున ఇసుక తరలిపోతోంది. అక్రమ రవాణాపై సరిహద్దులో తనిఖీ లేకుండాపోయింది. పర్యావరణ అనుమతి లేని ఇసుక రేవులో సైతం అక్రమంగా తవ్వకాలు జరుగుతున్నాయి.

వేపగుంట/గోపాలపట్నం, జూలై 25: దైవాన్ని నమ్ముకొని ధైర్యంగా ఉండాలని వాయుసేన విమాన ప్రమాద కుటుంబాలకు వైకాపా అధినేత జగన్ ధైర్యం చెప్పారు. సోమవారం వేపగుంట, అప్పన్నపాలెం ప్రాంతాల్లోని గంట్ల శ్రీనివాస్, బి. సాంబమూర్తి కుటుంబాలను పరామర్శించారు. బాధితులు మనోవేదనతో జగన్ ముందు విలపించారు.

విశాఖపట్నం, జూలై 25: రాష్ట్రంలో నైరుతి రుతుపనాలు చుర్గుగా ఉన్నాయి. దీనికి తోడు విదర్భ నుంచి దక్షిణ తమిళనాడు వరకూ కోస్తాంధ్ర మీదుగా అల్పపీడన ద్రోణి ఏర్పడిందని విశాఖలోని తుపాను హెచ్చరికల కేంద్రం అధికారులు సోమవారం రాత్రి తెలిపారు. దీని ప్రభావంతో రానున్న 24 గంటల్లో కోస్తాలో పలుచోట్ల వర్షం కురిసే అవకాశం ఉందని తెలిపారు. ఒకటి రెండు చోట్ల భారీ వర్షం కురియవచ్చని తెలిపారు.