రాజకీయాల్లో ఆత్మహత్యలు తప్ప హత్యలుండవనేది మరోసారి భాజపా రుజువు చేసింది. ఉత్తర ప్రదేశ్ అసెంబ్లీ ఎన్నికలకు ముందు దేశంలోని అతి పెద్ద దళిత నాయకురాలు మాయావతిని వేశ్యతో పోల్చటం ద్వారా భాజపా రాజకీయ ఆత్మహత్యాకు ప్రయత్నించింది. ఎన్నికలకు ముందు తమ కాళ్లను తామే నరుక్కోవటం భాజపాకు వెన్నతో పెట్టిన విద్యగా మారుతోంది.

ముస్లిం జనాభా అధికంగా ఉండే దేశాల్లో మలేసియా ఒకటి. ఇక్కడికి జకీర్ నాయక్ రావడంపై నిషేధం విధించారు. ఇంకా 16 ముస్లిం దేశాలలో ఈ యనపై నిషేధం అమల్లో ఉంది. ఢాకాలో, కిషన్‌గంజ్‌లో వరుస బాంబుపేలుళ్లు జరిగిన తర్వాత బంగ్లాదేశ్ ప్రభుత్వం అప్రమత్తమై జకీర్ ప్రసంగాల వీడియోలపై నిషేధం విధించింది. ఆ దేశపు హోంశాఖామాత్యులు ప్రసంగిస్తూ, ‘జకీర్ ప్రసంగాలు, వీడియోలు పర్యటనలపై నిఘావిభాగం దృష్టి పెట్టింద’ని ప్రకటించారు.

వనపర్తి, జూలై 25: రాష్ట్ర ప్రభుత్వం చేపట్టిన హరితహారం కార్యక్రమంలో అధికారులు నిర్లక్ష్యం వహిస్తే సహించేది లేదని రాష్ట్ర రోడ్డు భవనాల శాఖ మంత్రి తుమ్మల నాగేశ్వర్ రావు, పంచాయతి రాజ్ శాఖ మంత్రి జూపల్లి కృష్ణారావులు అన్నారు. సోమవారం వనపర్తి డివిజన్ వీపనగండ్ల మండల పరిధిలోని గోవర్ధనగిరి, పెద్దదగడ, చిన్నంబావిలలో హరితహారంలో పాల్గొని వారు మొక్కలు నాటారు.

మహబూబ్‌నగర్, జూలై 25: జిల్లా మంత్రులు జీవచ్ఛవాలు అయ్యారని వారికి పరిపాలన విధానమే తెలియదని వారి శాఖల్లో ఏమి జరుగుతుందో తెలియకుండా పోయిన అసమర్థులని వీరి కారణంగా జిల్లా నాశనం అవుతుందని బిజెపి జాతీయ కార్యవర్గ సభ్యులు, మాజీ మంత్రి నాగం జనార్థన్‌రెడ్డి ఆరోపించారు.