సంగారెడ్డి, జూలై 25: మల్లన్న సాగర్ ముంపు గ్రామాల ప్రజలపై పోలీసులు జరిపిన లాఠీ చార్జీ వ్యవహారం తెలంగాణ ప్రభుత్వానికి భారీగా పరిణమించింది. ఆదివారం నాటి లాఠీచార్జీ ఘటనకు నిరసనగా అఖిలపక్షం, ప్రజాసంఘాలు ఇచ్చిన పిలుపుమేరకు మెదక్ జిల్లా బంద్ సోమవారం ఎలాంటి అవాంఛనీయ ఘటనలకు తావివ్వకుండా సంపూర్ణంగా ముగిసింది. ముంపు గ్రామాలున్న గజ్వేల్ సెగ్మెంట్ పోలీసుల అష్టదిగ్బంధనంలో బందీ అయింది.

విజయవాడ, జూలై 25: రాజధాని అమరావతిలో ప్రభుత్వ భవనాల నిర్మాణానికి మలేసియా ఆర్కిటెక్ట్‌లు తాజా నమూనాలతో ముందుకొచ్చారు. మలేసియాకు చెందిన ఆర్డీఏ హారిస్ ఇంటర్నేషనల్ కంపెనీ ప్రతినిధులు సోమవారం రాత్రి ముఖ్యమంత్రి చంద్రబాబును విజయవాడలోని క్యాంపు కార్యాలయంలో కలుసుకుని భవనాలకు సంబంధించి మాస్టర్ ప్లాన్‌ను సమర్పించారు. భవనాల ఆకృతులను పవర్ పాయింట్ ప్రజంటేషన్ ద్వారా చూపించారు.

తిరుమల, జూలై 25:తిరుమల కాలిబాటలో కనుమ మార్గంలో కనిపిస్తూ భక్తుల్ని భయభ్రాంతులకు గురి చేస్తూ వచ్చిన చిరుత పులి సోమవారంనాడు ఏకంగా ఓ అతిథిగృహంలోకే చొరబడింది. విఐపిలు బసచేసే పద్మావతి అతిథి భవనంలోని నర్శింగ్ సదన్ అతిథి గృహంలోకి సోమవారం రాత్రి ఎనిమిదిన్నర గంటల సమయంలో చొరబడిన పులి, మూడున్నర గంటలపాటు అటు భక్తుల్ని, ఇటు అధికారులను పరుగులు పెట్టించింది.

కాకినాడ, జూలై 25: ఆకర్షణీయ నగరంగా ఎంపికై ఏడాది పూర్తిచేసుకున్న కాకినాడ నగరం త్వరలో ‘స్మార్ట్ సిటీ కార్పొరేషన్ లిమిటెడ్’గా అప్‌గ్రేడ్ కానున్నది. దీంతో కాకినాడ నగరానికి ప్రత్యేకాధికారులు నియమితులు కానున్నారు. కాకినాడ స్మార్ట్ సిటీ కార్పొరేషన్ లిమిటెడ్‌ను ఏర్పాటుచేయాలని కేంద్ర ప్రభుత్వం ఆదేశించింది. కొన్ని కీలక పోస్టులను కూడా మంజూరుచేసింది.