హైదరాబాద్, జూలై 25: వైఎస్ జగన్ సంస్థలో అక్రమ పెట్టుబడులు పెట్టినట్టు తమపై అభియోగం మోపుతూ కేసును కొట్టివేయాలని ఇందు గ్రూప్ ఆఫ్ కంపెనీస్ చైర్మన్ ఐ శ్యామ్‌ప్రసాద్‌రెడ్డి దాఖలు చేసిన పిటిషన్‌పై రెండు వారాల్లో వైఖరి తెలియజేయాలని సిబిఐని హైకోర్టు సోమవారం ఆదేశించింది. ఈ మేరకు శ్యామ్ ప్రసాద్‌రెడ్డి దాఖలు చేసిన పిటిషన్‌ను హైకోర్టు విచారణకు స్వీకరించింది.

తుళ్లూరు, జూలై 25: శాసనమండలి, శాసనసభ వర్షాకాల సమావేశాలను వెలగపూడిలోనే నిర్వహిస్తామని శాసనమండలి చైర్మన్ చక్రపాణి తెలిపారు. మంత్రి నారాయణ ఆహ్వానం మేరకు వెలగపూడిలోని తాత్కాలిక సచివాలయ నిర్మాణ పనులను సోమవారం ఆయన పరిశీలించారు. తొలుత 2వ బ్లాకు, అసెంబ్లీ కోసం ఏర్పాటు చేస్తున్న 6వ బ్లాకును పరిశీలించిన అనంతరం నిర్మాణం పూర్తయిన 5వ భవనాన్ని తిలకించారు.

హైదరాబాద్ / కాచిగూడ, జూలై 25: అమెరికాలో స్నేహితుడి చేతిలో హతమైన హైదరాబాద్‌కు చెందిన సంకీర్త్ మృతదేహం తన నివాసానికి సోమవారం చేరుకుంది. సంకీర్త్ ఇటీవల అమెరికాలో తన స్నేహితుడి చేతిలో దారుణ హత్యకు గురయ్యాడు. మెడిసిన్ పూర్తి చేసుకొని మంచి ఉద్యోగం సంపాదించుకొని అమెరికాలోనే స్థిరపడ్డ తమ కుమారుడు హత్యకు గురికావటం అతని తల్లిదండ్రులు జీర్ణించుకోలేకపోతున్నారు.

కర్నూలు, జూలై 25: శ్రీశైలం జలాశయం నీటి మట్టం సోమవారం 800 అడుగులకు చేరుకుంది. ఎగువ నుంచి 31 వేల క్యూసెక్కుల నీరు వచ్చి చేరుతోంది. జలాశయంలో 29.01 టిఎంసిల నీరు నిల్వ ఉంది. జూరాలలో విద్యుత్ ఉత్పత్తి అనంతరం 32 వేల క్యూసెక్కుల నీటిని దిగువకు విడుదల చేస్తున్నారు. గత ఏడాది ఇదే సమయానికి శ్రీశైలం జలాశయం నీటిమట్టం 802 అడుగులు ఉండగా, 30.23 టిఎంసిల నీరు నిల్వ ఉంది.