భద్రాచలం, డిసెంబర్ 6: పిఎల్‌జిఏ వారోత్సవాల్లో భాగంగా మావోయిస్టులు మంగళవారం ఛత్తీస్‌గఢ్ రాష్ట్రంలో భద్రతా బలగాలపై మందుపాతర్లతో విరుచుకుపడ్డారు. దంతెవాడ జిల్లాలో హెడ్‌కానిస్టేబుల్ ఒకరు మృతి చెందగా, నారాయణ్‌పూర్ జిల్లాలో మాత్రం పోలీసులు ఎదురుదాడి చేయడంతో అడవుల్లోకి పారిపోయారు.

విశాఖపట్నం, డిసెంబర్ 6: అత్యంత కట్టుదిట్టమైన భద్రత కలిగిన తూర్పు నౌకాదళం ఆధీనంలోని నేవల్ డాక్‌యార్డ్‌లో ఇద్దరు యువకుల అనుమాన స్పద సంచారం ఉత్కంఠత రేకెత్తించింది. విశ్వసనీయ వర్గాల సమాచారం మేరకు కట్టుదిట్టమైన భద్రత కలిగిన నేవల్ డాక్‌యార్డ్‌లో నిషేధిత ప్రాంతంలోకి సోమవారం రాత్రి ఇద్దరు వ్యక్తులు ప్రవేశించినట్టు నేవీ అధికారులకు సమాచారం అందింది.

హైదరాబాద్, డిసెంబర్ 6: అర్చకుల సమస్యలను పరిష్కరించేందుకు ‘అర్చక గ్రీవెన్స్’ సమావేశాలు మూడు ప్రాంతాల్లో నిర్వహించాలని ఎపి దేవాదాయ శాఖ నిర్ణయించింది. ఈ మేరకు దేవాదాయ కమిషనర్ వైవి అనూరాధ పేరుతో ఇటీవలే ఒక మెమో జారీ అయింది. ఈ నెల 15 న విజయవాడలో జరిగే సమావేశంలో తూర్పుగోదావరి, పశ్చిమ గోదావరి, కృష్ణా జిల్లాలకు చెందిన అర్చకులు పాల్గొనేందుకు అవకాశం ఇచ్చారు.

విజయవాడ, డిసెంబర్ 6: తమిళనాడు ముఖ్యమంత్రి జయలలిత అకాల మరణం తనకొక షాక్ లాంటిదని రాష్ట్ర ముఖ్యమంత్రి చంద్రబాబు అన్నారు. జయలలిత మృతి పట్ల ప్రగాఢ సానుభూతి తెలియజేస్తూ, ఆమె ఆత్మకు శాంతి కలగాలని రాష్ట్ర సచివాలయం సంతాపం తెలిపింది. సంతాప సూచకంగా ఉద్యోగులు రెండు నిమిషాలు వౌనం పాటించి నివాళులర్పించారు. అనంతరం ముఖ్యమంత్రి చంద్రబాబు.. జయలలిత చిత్రపటానికి పూలమాలలు వేసి ఘనంగా నివాళులర్పించారు.