రాజమహేంద్రవరం, ఆగస్టు 20: గోదావరి నదికి వరద తాకిడి తగిలింది. గోదావరి నది పరివాహక ప్రాంతంలో కురిసిన భారీ వర్షాల వల్ల వరద ఉద్ధృతి ధవళేశ్వరం బ్యారేజి వద్ద స్వల్పంగా పెరుగుతోంది. అఖండ గోదావరి నది ఎగువ ప్రాంతమైన భద్రాచలం వద్ద వరద నీటి మట్టం ఆదివారం సాయంత్రానికి 23 అడుగుల వద్ద నిలకడగా మారింది. దిగువన ధవళేశ్వరం బ్యారేజి వద్ద మరో ఇరవై గంటల పాటు వరద నీటి ప్రవాహ పెరుగుదల ఉంటుంది.

విశాఖపట్నం (జగదాంబ), ఆగస్టు 19: విశాఖ ప్రభుత్వ ఈఎన్‌టి ఆసుపత్రిలో ఘోర ప్రమాదం తప్పింది. ఆసుపత్రికి సంబంధించిన సెంట్రల్ ఆక్సిజన్ బ్లాక్‌లో శనివారం ఉదయం ఓక్కసారిగా మంటలు చెలరేగడంతో ఓపికి వచ్చిన రోగులంతా పరుగులు తీశారు. ఆసుపత్రిలో ఆపరేషన్ బ్లాక్‌కు సరఫరా అయ్యే సెంట్రల్ ఆక్సిజన్ బ్లాక్‌లో శనివారం ఉదయం 9.30 గంటల సమయంలో ఒక్కసారిగా మంటలు వ్యాపించడంతో దట్టమైన పొగలు అలముకున్నాయి.

విశాఖపట్నం, ఆగస్టు 19: విశాఖలో ప్రేమోన్మాది చెలరేగిపోయాడు. తనను ప్రేమించలేదన్న అక్కసుతో ప్రియురాలిపై కిరోసిన్ పోసి నిప్పంటించి హతమార్చాడు. ఈ ఘటనలో ప్రియురాలి సోదరుడు తీవ్రంగా గాయపడ్డాడు. ప్రియురాలిని హత్య చేసిన ప్రేమోన్మాది కొద్ది గంటల అనంతరం రైలు కిందపడి ఆత్మహత్య చేసుకున్నాడు. విశాఖ నగర శివారు భీమునిపట్నం మండలం టి నగరపాలెంలో శనివారం ఉదయం చోటుచేసుకున్న ఈ సంఘటన ఒక్క సారిగా ఉలిక్కిపడేలా చేసింది.

నంద్యాల రూరల్, ఆగస్టు 19: మోసపూరిత, అసమర్థ పాలనకు తగిన బుద్దిచెప్పే సమయం ఆసన్నమైందని, అందుకు ప్రజలు సిద్ధంగా ఉండాలని వైకాపా అధినేత వైఎస్.జగన్మోహన్‌రెడ్డి అన్నారు. నంద్యాల ఉప ఎన్నికలో మీరు ఇచ్చే తీర్పు కోసం ఐదు కోట్ల మంది రాష్ట్ర ప్రజలు ఎదురుచూస్తున్నారని అన్నారు. నంద్యాల ఉప ఎన్నికల ప్రచారంలో భాగంగా శనివారం పట్టణంలోని బైటిపేట, పెద్దబండ, తల్లిపీరు వీధి, నీలివీధిలో జగన్ రోడ్ షో నిర్వహించారు.