కాకినాడ, ఆగస్టు 21: ప్రతిపక్ష నేత వైఎస్ జగన్మోహన్‌రెడ్డి స్వస్థలం ఇడుపులపాయలోని బంకర్లను తవ్వితే వేల కోట్ల అవినీతి సొమ్ము బయటపడుతుందని రాష్ట్ర ఆర్థిక శాఖ మంత్రి యనమల రామకృష్ణుడు వ్యాఖ్యానించారు. ఇడుపులపాయలోని బంకర్లలో జగన్ దాచిన అవినీతి సొమ్మును అధికారులు వెలికితీయాలని, లేదంటే తమను వెళ్ళి బంకర్లు తెరవమంటే తెరిచి చూపిస్తామన్నారు.

చింతూరు, ఆగస్టు 21: అంబులెన్సు, మరో వాహనంలో తరలిస్తున్న 610 కిలోల గంజాయిని తూర్పు గోదావరి జిల్లా చింతూరు పోలీసులు సోమవారం స్వాధీనం చేసుకున్నారు. రెండు వాహనాలను స్వాధీనం చేసుకుని, ఆరుగురిని అదుపులోకి తీసుకున్నారు. వివరాలిలా ఉన్నాయి.. ఒడిస్సా రాష్ట్రంలోని మల్కన్‌గిరి ప్రాంతం నుంచి గంజాయి తరలిస్తున్నట్టు పోలీసులకు సమాచారం అందింది.

విశాఖపట్నం(క్రైం), ఆగస్టు 21: విశాఖ జిల్లాలోని యలమంచిలి నియోజకవర్గం మాజీ ఎమ్మెల్యే రమణమూర్తిరాజు ఎలియాస్ కన్నబాబుపై అప్పు తీసుకుని చెల్లించనందుకు పోలీసు కేసు నమోదైంది. రూ.50 లక్షలు అప్పుగా తీసుకుని మోసం చేసిన రమణమూర్తిరాజుపై విశాఖలోని ద్వారకా పోలీసు స్టేషన్ పోలీసులు కేసు నమోదు చేశారు. ద్వారకానగర్‌లో నివాసముంటున్న రాజన్నబాబు సరోజినీ ఇంజనీరింగ్ వర్క్స్ నడుపుతున్నారు.

శ్రీకాళహస్తి, ఆగస్టు 21: చిత్తూరు జిల్లా శ్రీకాళహస్తి క్షేత్రం సోమవారం భక్తజన సంద్రమైంది. సోమవారం అమావాస్య, సూర్యగ్రహణం, శ్రావణమాసం కావడంతో వేలాది మంది భక్తులు ఆలయాన్ని సందర్శించారు. ప్రత్యేక క్యూలు, సాధారణ క్యూలు నిండిపోయాయి. స్వామి, అమ్మవార్ల దర్శనానికి 5 గంటలకుపైగా సమయం పట్టింది. రాహు-కేతు పూజలకు కూడా రద్దీ ఏర్పడింది. సాయంత్రం 5 గంటలకే 5000 వేల మందికి పైగా పూజలు చేయించుకున్నారు.