విజయనగరం, ఆగస్టు 19: విజయవాడ సమీపంలోని మంగళగిరి బెటాలియన్‌లో హెడ్‌కానిస్టేబుల్‌గా పనిచేస్తున్న ఇప్పిలి వెంకటేష్‌కు ఈ ఏడాది ఫిబ్రవరిలో వివాహమైంది. భార్య సునీత గర్భం దాల్చాక అబార్షన్ చేయించుకోవాలని వత్తిడి తెచ్చినట్టు సమాచారం. ఇదే విషయమై అతను శనివారం పట్టణంలోని బిసి కాలనీలో పెద్దల సమక్షంలో సంప్రదింపులు జరుగుతుండగా, భార్య కడుపుపై కాలితో తన్నగా ఆమె గాయపడినట్లు స్థానికుల ఆరోపణ.

విశాఖపట్నం, ఆగస్టు 19: కాకినాడ నగరపాలక సంస్థ ఎన్నికల్లో టిడిపి మిత్ర ధర్మానికి తూట్లు పొడిచే విధంగా వ్యవహరిస్తోందని బిజెపి శాసనసభ పక్ష నేత పి విష్ణుకుమార్ రాజు ఆరోపించారు. విశాఖలో శనివారం విలేఖరులతో కాకినాడలో 48 డివిజన్లకు బిజెపికి 9 డివిజన్లను కేటాయించారన్నారు. తమకు కేటాయించిన స్థానాల్లో 8 డివిజన్లలో టిడిపి రెబల్ అభ్యర్థులు పోటీకి నిలిచారని పేర్కొన్నారు.

విజయవాడ, ఆగస్టు 18: రాష్ట్రంలో అవినీతి గణనీయంగా తగ్గిందని, 2017 సంవత్సరానికి సంబంధించి నేషనల్ కౌన్సిల్ అప్లైడ్ ఎకనమిక్స్ రిసెర్చ్ (ఎన్‌సిఐఆర్‌ఎ) సర్వేలో అవినీతిలో దేశంలో ఏపీ 19 స్థానంలో నిలిచిందని రాష్ట్ర ప్లానింగ్ కమిషన్ వైస్ చైర్మన్ కుటుంబరావు తెలిపారు.

నంద్యాల, ఆగస్టు 18: నంద్యాల అభివృద్ధి గురించి ఎవరూ భయపడవద్దని, పులివెందులను ఏవిధంగా అభివృద్ధి చేస్తున్నామో అలాగే నంద్యాలను కూడా అభివృద్ధి చేస్తానని వైకాపా అధినేత వైఎస్.జగన్మోహన్‌రెడ్డి అన్నారు. నంద్యాల ఉప ఎన్నికల్లో న్యాయానికి, ఓటువేయండి, ధర్మాన్ని గెలిపించండి అని ప్రజలకు విజ్ఞప్తి చేశారు.