విజయవాడ: తూర్పు గోదావరి జిల్లా జీఎంఆర్ సెజ్ ప్రాంతంలో అవార్డుకు నిరాకరించిన రైతులు ఈ వ్యవసాయ సీజన్‌లో తమ భూముల్లో నాట్లు వేసుకోడానికి ప్రయత్నిస్తే అరెస్ట్ చేయటం అన్యాయమని వామపక్షాల నేతలు ఆదివారం ఒక ప్రకటనలో తీవ్రంగా ఖండించారు. రమణక్కపేట పరిసర ప్రాంతాల్లో 300మంది, రావివారిపోడు పరిసరాల్లో 300 మంది రైతులు నాట్లు వేసుకోడానికి రాగా ప్రభుత్వం పోలీసులతో బలప్రయోగం చేసిందని విమర్శించారు.

జంగారెడ్డిగూడెం, సెప్టెంబర్ 30: రాష్ట్రంలో రైతులు ఎదుర్కొంటున్న సమస్యలపై సంపూర్ణ అవగాహన కోసం అక్టోబర్ 14వ తేదీ తరువాత వారంరోజుల పాటు విజయవాడలో వ్యవసాయ సదస్సు నిర్వహిస్తామని జనసేన అధ్యక్షుడు పవన్‌కళ్యాణ్ వెల్లడించారు. పశ్చిమగోదావరి జిల్లా జంగారెడ్డిగూడెం రాజారాణి ఫంక్షన్ హాల్‌లో ఆదివారం జనసేన నిర్వహించిన పొగాకు, పామాయిల్ రైతుల సదస్సులో ఆయన ప్రసంగించారు.

విజయనగరం, సెప్టెంబర్ 30: రాష్ట్రంలోని విశ్వబ్రాహ్మణులను అన్ని విధాలా ఆదుకుంటామని, చేతివృత్తుల వారే తాళిబొట్లను తయారుచేసేలా చట్టసభల్లో తీర్మానం చేస్తామని వైసీపీ అధినేత వైఎస్ జగన్మోహన్‌రెడ్డి భరోసా ఇచ్చారు. ఆదివారం ప్రజా సంకల్పయాత్రలో భాగంగా గజపతినగరం నియోజకవర్గం జామి మండలంలోని భీమసింగి గ్రామం నుంచి పాదయాత్రను జగన్ ప్రారంభించి విజయనగరం నియోజకవర్గం వై జంక్షన్ వరకు కొనసాగించారు.

అమరావతి, సెప్టెంబర్ 30: రాష్ట్ర మంత్రివర్గ విస్తరణకు ముహూర్తం కుదరటం లేదు. కేంద్రంలో ఎన్డీఏ నుంచి టీడీపీ వైదొలగిన తరువాత రాష్ట్ర మంత్రి మండలిలో బీజేపీ తరపున ప్రాతినిధ్యం వహించిన వైద్య, ఆరోగ్య శాఖ మంత్రి కామినేని శ్రీనివాస్, దేవాదాయ శాఖ మంత్రి పైడికొండ మాణిక్యాలరావు తమ పదవులకు రాజీనామా చేసి ఏడాది కావస్తున్నా ఆ స్థానాలు ఇంకా భర్తీకాలేదు.