అమరావతి, అక్టోబర్ 1: రాష్ట్రంలో ఈనెల 10 నుంచి 12వ తేదీ వరకు 15వ ఆర్థిక సంఘం పర్యటించనున్న నేపథ్యంలో ఏర్పాట్లపై ఆర్థికమంత్రి యనమల రామకృష్ణుడు సోమవారం సచివాలయంలో ఆర్థికశాఖ ఉన్నతాధికారులతో సమీక్షా సమావేశం నిర్వహించారు. ఆర్థిక సంఘం సభ్యులు ఈనెల 11న సచివాలయంలో ముఖ్యమంత్రి చంద్రబాబు నాయుడు, ఆర్థికమంత్రి యనమల రామకృష్ణుడు, రాష్ట్ర మంత్రులు, ఉన్నతాధికారులతో సమావేశమవుతారు.

అమరావతి, అక్టోబర్ 1: ఈ ఏడాది దసరా ఉత్సవాలను ప్రతిష్టాత్మకంగా నిర్వహించాలని ముఖ్యమంత్రి చంద్రబాబునాయుడు ఆదేశించారు. సోమవారం ప్రజావేదిక ప్రాంగణంలో ముఖ్యమంత్రిని విజయవాడ శ్రీ దుర్గా మల్లేశ్వరస్వామి ఆలయ పాలకమండలి చైర్మన్ గౌరంగబాబు, దేవాదాయశాఖ కమిషనర్ పద్మ, దుర్గగుడి ఈఒ కోటేశ్వరమ్మ, పాలకమండలి సభ్యులు కలుసుకుని దసరా దేవీ శరన్నవరాత్రి ఉత్సవాల ఏర్పాట్లపై చర్చించారు.

అమరావతి, అక్టోబర్ 1: పసుపు- కుంకుమ కింద ప్రభుత్వం లబ్ధిదారులకు ఇచ్చిన మొత్తాలను కానీ, మహిళా సంఘాల పొదుపు మొత్తాలు కానీ విత్‌డ్రా చేసుకునేందుకు బ్యాంకర్లు అడ్డుచెబితే కఠిన చర్యలు తీసుకోవాల్సిందిగా రాష్టస్థ్రాయి బ్యాంకర్ల కమిటీ (ఎస్‌ఎల్‌బీసీ)ని ముఖ్యమంత్రి చంద్రబాబు నాయుడు ఆదేశించారు. లబ్ధిదారులు తమ నగదును ఖాతాలో నుంచి తీసుకునేందుకు అభ్యంతరం వ్యక్తం చేయటం సరికాదన్నారు.

శ్రీకాకులం: జిల్లాలోని ప్రసిద్ధి పుణ్యక్షేత్రం అరసవెల్లి సూర్యనారాయణ దేవాలయంలో అద్భుత దృశ్యం ఆవిష్కృతమైంది. దక్షిణాయనంలో మొదటిరోజు లేలేత కిరణాలు స్వామివారి పాదాలను తాకాయి. ఈ దృశ్యాన్ని తిలకించేందుకు భక్తులు వేలాది సంఖ్యలో వచ్చారు. రేపు కూడా సూర్యకిరణాలు స్వామివారి పాదాలు తాకే అవకాశం ఉందని పూజారి వెల్లడించారు. దక్షిణాయన మార్పులు నేపథ్యంలో ఏటా రెండుసార్లు సూర్యకిరణాలు స్వామివారి పాదాలు తాకుతాయి.