విజయనగరం, కొత్తవలస, సెప్టెంబర్ 22: కాంగ్రెస్ పార్టీని దుర్భాషలాడిన ముఖ్యమంత్రి చంద్రబాబునాయుడు ఇపుడు అదే పార్టీతో ఎలా జతకట్టారని వైసీపీ నేత బొత్స సత్యనారాయణ ప్రశ్నించారు. శనివారం కొత్తవలస మండలం దేశపాత్రునిపాలెం వద్ద ఏర్పాటు చేసిన విలేఖరుల సమావేశంలో ఆయన జగన్ పర్యటన గురించి, టీడీపీ పాలన గురించి ప్రస్తావించారు. రాష్ట్రంలో చంద్రబాబునాయుడు అంకెల గారడీ తప్ప జీవన ప్రమాణాలు పెరగలేదన్నారు.

హైదరాబాద్, సెప్టెంబర్ 22: వైకాపా అధినేత వైఎస్ జగన్మోహనరెడ్డిపై పదేపదే విమరలు చేస్తున్న తెలుగుదేశం పార్టీ నేత కుటుంబరావు సవాళ్లకు సమాధానం చెప్పడానకి తాము సిద్ధంగా ఉన్నామని వైకాపా సీనియర్ నేత పార్థసారధి స్పష్టం చేశారు. మంత్రులు చెప్పాల్సిన ప్రభుత్వ విధానాలను షేర్ బ్రోకర్‌గా గుర్తింపు పొందిన కుటుంబరావు మీడియాకు చెప్పడం చూస్తే సీఎంకు, మంత్రులకు మధ్య ఏదో తేడావస్తున్నట్ల ఆయన అనుమానం వ్యక్తం చేశారు.

కాకినాడ, సెప్టెంబర్ 22: మాతా శిశు మరణాల నివారణకు రాష్ట్ర ప్రభుత్వం చేపట్టిన చర్యల్లో భాగంగా అమలుచేస్తున్న తల్లీబిడ్డ ఎక్స్‌ప్రెస్ సేవలకు తూర్పు గోదావరి జిల్లాకు ప్రథమ స్థానం లభించింది. గర్భిణులను సకాలంలో ఆసుపత్రికి తీసుకువెళ్ళి, ప్రభుత్వాసుపత్రుల్లో ప్రసవాల శాతాన్ని పెంచేందుకు తల్లీబిడ్డ ఎక్స్‌ప్రెస్ సేవలను ప్రభుత్వం అందిస్తోంది.

విజయవాడ, సెప్టెంబర్ 22: ఏపీ రాజధాని అమరావతి కోసం సీఎం చంద్రబాబు నాయుడు ఇష్టా రాజ్యంగా అప్పులు తెస్తున్నారని, తొలుత రూ. 2వేల కోట్లు విలువైన బాండ్లు విడుదల చేసి మరలా మరో రూ. 500కోట్లు విలువైన బాండ్లను విడుదల చేస్తామంటున్నారని సీపీఐ రాష్ట్ర కార్యదర్శి కే రామకృష్ణ ధ్వజమెత్తారు.