ముంబయి: అంతర్జాతీయ మార్కెట్లో అంతకంతకూ పెరుగుతున్న ముడిచమురు ధరల ప్రభావం భారతీయ స్టాక్ మార్కెట్లపై పడుతోంది. దీంతో వరుసగా మూడోరోజైన మంగళవారం సైతం సూచీలు ప్రతికూలతలను ఎదుర్కొన్నాయి. ప్రధానంగా ఫైనాన్షియల్, వాహన స్టాక్స్ పెద్దఎత్తున అమ్మకాల వత్తిడికి గురయ్యాయి.

న్యూఢిల్లీ, ఏప్రిల్ 23: మనదేశ ఔషధ రంగం (పార్మాస్యూటికల్) ఎగుమతులు గడచిన ఆర్థిక సంవత్సరంలో 11 శాతం మేర పెరిగాయి. అంటే అదనంగా 19.2 బిలియన్ డాలర్ల విలువైన ఎగుమతులు జరిగాయని కేంద్ర వాణిజ్య మంత్రిత్వ శాఖ గణాంకాలు తెలిపాయి. ప్రధానంగా ఉత్తర అమెరికా, ఐరోపా దేశాల్లో మన ఉత్పత్తులకు పెరిగిన డిమాండ్‌తో ఈ అదనపు ఎగుమతులకు ఆస్కారం ఏర్పడిందని మంత్రిత్వ శాఖ అంచనా వేసింది.

న్యూఢిల్లీ, ఏప్రిల్ 23: ప్రఖ్యాత బాస్మతి బియ్యం ఎగుమతి సంస్ధ ‘జీఎమ్మార్ ఓవర్‌సీస్ లిమిటెడ్’ దేశీయ మార్కెట్లో తమ వ్యాపారాన్ని ఆరంభించాలని నిర్ణయించింది. రాబోయే రెండేళ్ల కాలంలో మనదేశంలో వ్యాపార విస్తరణకు రూ.50 కోట్ల పెట్టుబడులు కేటాయించాలని తీర్మానించింది.

ముంబయి, ఏప్రిల్ 22: ప్రస్తుతం మూసివేతకు గురైన జెట్ ఎయిర్‌వేస్‌కు చెందిన దాదాపు 22వేల మంది ఉద్యోగులను ఆదుకునేందుకు బ్యాంకుల కన్సార్టియం ముందుకు రావాలని బ్యాంకు ఉద్యోగ సంఘాలు సోమవారం నాడిక్కడ సూచించాయి. జీతాలు రాక తీవ్ర ఇక్కట్ల పాలవుతున్న ఆ ఉద్యోగులకు ప్రత్యేక రుణ సదుపాయాన్ని బ్యాంకులు కల్పించాలని ఆ సంఘాలు డిమాండ్ చేశాయి.