న్యూఢిల్లీ: జెట్ ఎయిర్‌వేస్ బిడ్డింగ్ (వేలం) వ్యవహారం సజావుగా సాగుతుందని తాము భావిస్తున్నామని ఆ సంస్థకు రుణాలిచ్చిన బ్యాంకులు గురువారం విశ్వాసం వ్యక్తం చేశాయి. ఈ ఎయిర్‌లైన్‌కు చెందిన విమానాలన్నింటి నిర్వహణను బుధవారం తాత్కాలికంగా నిలిపివేసిన క్రమంలో దీనిపై బ్యాంకులు స్పందించాయి.

న్యూఢిల్లీ, ఏప్రిల్ 18: బులియన్ మార్కెట్‌లో గురువారం బంగారం ధర భారీగా పతనమైంది. 10 గ్రాముల బంగారం 405 రూపాయలు నష్టపోయి 32,385 రూపాయల వద్ద ముగిసింది. కిలో వెండి ధర 104 రూపాయలు పడిపోవడంతో 38,246 రూపాయలుగా నమోదైంది. 32,790 రూపాయల వద్ద మొదలైన 10 గ్రాముల బంగారం ట్రేడింగ్ మొదటి నుంచే పతనమవుతూ వచ్చింది. పెట్టుబడిదారుల నుంచేగాక, నగల తయారీదారుల నుంచి కూడా డిమాండ్ లేకపోవడంతో, కొనుగోళ్లు నీరసించాయి.

ముంబయి, ఏప్రిల్ 18: స్టాక్ మార్కెట్‌లో ఎప్పుడు, ఏం జరుగుతుందో ఊహించడం కష్టమని మరోసారి రుజువైంది. గురువారం నాటి మార్కెట్ ట్రెండ్స్ సానుకూల ధోరణుల మధ్య ప్రారంభమై, ఒకానొక దశలో గతంలో ఎన్నడూ లేనంత అత్యధిక పాయింట్లకు చేరుకున్నప్పటికీ, ఆతర్వాత అనూహ్యంగా పతనమై, చివరికి నష్టాల్లో ముగిసింది. రికార్డు స్థాయి సెనె్సక్స్ పాయింట్లు నమోదవుతాయన్న పరిశీలకుల అంచనాలు తారుమారయ్యాయి.

ముంబయి: ఆర్థిక సంక్షోభంలో చిక్కుకున్న జెట్ ఎయిర్‌వేస్ మూతపడే పరిస్థితి కనిపిస్తున్నది. ఒకప్పుడు వందకు పైగా ఉన్న విమానాల సంఖ్య ఇప్పుడు 12కు చేరుకుంది. పైలట్లు, ఇంజనీర్లు, ఇతర సిబ్బందికి కూడా జీతాలు చెల్లించలేకపోతున్న ఈ సంస్థ ఆర్థిక సాయం కోసం ఎస్‌బీఐని ఆశ్రయించింది. ఉద్యోగులు కూడా యాజమాన్యానికి మద్దతు పలుకుతూ, రూ.1,500 కోట్ల తక్షణ రుణాన్ని మంజూరు చేయాలని ప్రధాన రుణదాత ఎస్‌బీఐకి విజ్ఞప్తి చేశారు.