లండన్, ఏప్రిల్ 29: భారత దేశంలోని బ్యాంకులకు చెల్లించాల్సిన రుణాలన్నింటినీ నూటికి నూరుశాతం తీర్చేస్తానని ప్రస్తుతం లండన్‌లో తలదాచుకున్న ‘లిక్కర్ కింగ్’ విజయ్ మాల్యా ప్రకటించారు. సోషల్ మీడియా వేదికగా అతను ఇదివరకు చాలాసార్లు ఇలాంటి ప్రకటన చేశాడు. మాల్యాను భారత్‌కు అప్పగించే అంశాన్ని హైకోర్టు పరిశీలనలో ఉంది.

న్యూఢిల్లీ, ఏప్రిల్ 29: బులియన్ మార్కెట్లో బంగారం ధరలు సోమవారం స్వల్పంగా పెరిగాయి. దేశ రాజధాని ఢిల్లీలో 10 గ్రాముల బంగారం ధర రూ.30 పెరిగి మొత్తం ధర రూ.33 వేలకు చేరింది. అక్షయ తృతియ పర్వదినం సమీపిస్తుండడంతో వ్యాపారుల నుంచి బంగారానికి డిమాండ్ పెరిగిందని అఖిల భారత సరాఫా అసోసియేషన్ తెలిపింది. అలాగే వెండి సైతం కిలోపై రూ.250 పెరిగి మొత్తం ధర 38,700కు చేరింది.

వాషింగ్టన్, ఏప్రిల్ 29: అమెరికా పేపర్ ఉత్పత్తులు, ప్రతిష్టాత్మకమైన హార్లీ డేవిడ్‌సన్ బైక్‌లకు భారత్ అధిక సుంకాలు (టారిఫ్‌లు) వసూలు చేస్తోందంటూ అమెరికా అధ్యక్షుడు డోనాల్డ్ ట్రంప్ మరోమారు విమర్శలు గుప్పించారు. భారత్‌తోబాటు చైనా, జపాన్ వంటి దేశాల ఇలాంటి వైఖరి వల్ల అమెరికా బిలియన్ల కొద్దీ డాలర్లు నష్టపోతున్నట్టు ఆయన పేర్కొన్నారు.

న్యూఢిల్లీ, ఏప్రిల్ 28: నిర్ణీత స్థాయికన్నా అధిక టర్నోవర్‌తో జరిగే వ్యాపాల్లో ప్రతి విక్రయానికి సంబంధించి ‘ఈ ఇన్వాయిస్’ను ప్రభుత్వ జీఎస్టీ పోర్టల్ ద్వారా అందజేసేందుకు ఓ ప్రత్యేక సిస్టంను రూపొందించేందుకు జీఎస్టీ అధికారులు చర్యలు చేపట్టారు. దీనిద్వారా జీఎస్టీ ఎగవేతకు అడ్డుకట్ట వేయాలని ప్రభుత్వం భావిస్తోంది.