న్యూఢిల్లీ, మార్చి 29: సువెన్ లైఫ్ సైనె్సస్ ఉత్పత్తి చేస్తున్న ఔషధాలను యూరేసియా, ఐరోపా, దక్షిణకొరియా, శ్రీలంక దేశాల మార్కెట్లలో విక్రయించేందుకు సంబంధించిన ప్రాడక్టు పేటెంట్ హక్కులు మంజూరయ్యాయి. నరాలకు సంబంధించిన ప్రమాదకరమైన రోగాలను నయం చేయగలికే సరికొత్త రసాయనికతతో కూడిన ఈ ఔషధాలకు వివిధ దేశాల్లో పేటెంట్ హక్కులు లభించడం పట్ల సంస్థ తన రెగ్యులేటరీ ఫైలింగ్‌లో హర్షం వ్యక్తం చేసింది.

న్యూఢిల్లీ, మార్చి 29: అంతర్జాతీయ మార్కెట్ నుంచి కల్పతరు పవర్ ట్రాన్స్‌మిషన్ లిమిటెడ్ (కేపీటీఎల్) భారీ ఆర్డర్లను సంపాదించింది. వీటి విలువ 588 కోట్ల రూపాయలని ఆ సంస్థ ఒక ప్రకటనలో తెలిపింది. విద్యుత్ ప్రసార, పంపిణీ రంగంలో సేవలు అందిస్తున్న ఈ సంస్థ 2018-19 ఆర్థిక సంవత్సరంలో సుమారు 8,500 కోట్ల రూపాయల మేరకు ఆర్డర్లను పొందింది. వీటిలో విదేశీ మార్కెట్ల నుంచి వచ్చిన ఆర్డర్లు కూడా ఉన్నాయి.

న్యూఢిల్లీ, మార్చి 29: బులియన్ మార్కెట్‌లో రోజురోజుకూ పైపైకి పోతున్న పసిడి ధర శుక్రవారం దిగొచ్చింది. 10 గ్రాముల బంగారం ఏకంగా 395 రూపాయలు పతనమై, 32,700 రూపాయలకు చేరింది. 33,095 రూపాయల వద్ద మొదలైన లావాదేవీలు ప్రారంభం నుంచే నష్టాలను చవిచూశాయి. అటు విదేశీ సంస్థాగత పెట్టుబడిదారులుగానీ, ఇటు దేశీయ మదుపరులుగానీ ఆసక్తిని ప్రదర్శించకపోవడంతో, బులియన్ మార్కెట్ నీరుగారిపోయింది.

న్యూఢిల్లీ, మార్చి 28: బులియన్ మార్కెట్‌లో గురువారం బంగారం ధరలు స్వల్పంగా పెరిగాయి. 10 గ్రాములపై రూ.35 పెరిగి మొత్తం ధర 33,095కు చేరింది. వరుసగా రెండు రోజులుపాటు నష్టాలను చవిచూసిన పసిడి ఇప్పుడు కోలుకోవడంతో వ్యాపారులు ఊపిరి పీల్చుకున్నారు.