ముంబయి, మార్చి 23: భారత స్టాక్ మార్కెట్ ఈవారం లాభాల్లో మొదలై, వరుసగా మూడు రోజులు ఉత్సాహంగా సాగినప్పటికీ, చివరి రోజున నష్టాలను మూటగట్టుకుంది. వరుసగా ఎనిమిది రోజులు లాభాల్లో సాగిన మార్కెట్ వా రాంతంలో నష్టం ఎదుర్కోవడం మదుపరులనేగాక, స్టాక్ బ్రోకర్లను కూడా ఆందోళనకు గురి చేసింది. బాంబే స్టాక్ ఎక్ఛ్సేంజ్ (బీఎస్‌ఈ)లో సోమవారం 38,024.32 పాయింట్లతో ప్రారంభమైన సెనె్సక్స్ 38,095.07 పాయింట్ల వద్ద ముగిసింది.

న్యూఢిల్లీ, మార్చి 22: బంగ్లాదేశ్ నుంచి జనపనార సంచుల దిగుమతులపై విధించిన యాంటీ డంపింగ్ సుంకాన్ని కొనసాగించాలని కేంద్ర వాణిజ్య మంత్రిత్వ శాఖ సిఫారసు చేసింది. బంగ్లాదేశ్ నుంచి వీటి దిగుమతిని నిరుత్సాహ పరచకుంటే దేశీయంగా జనపనార ఉత్పత్తులతో సంబంధం ఉన్నవారు దెబ్బతింటారు. అందువల్ల వీటి దిగుమతులపై యాంటీ డంపింగ్ సుంకాన్ని కొనసాగించాలని కేంద్ర వాణిజ్య మంత్రిత్వ శాఖ సిఫారసు చేసింది.

ముంబయి, మార్చి 22: సైబర్ భద్రతకు సంబంధించిన సేవారంగంలో పేరు సంపాదించిన ఔజాస్ కంపెనీని జాతీయ స్టాక్ ఎక్ఛ్సేంజ్ (ఎన్‌ఎస్‌ఈ) కొనుగోలుచేసింది. 2008లో స్టాక్ మార్కెట్‌లోకి లిస్టింగైన ఈ కంపెనీని కొనడం ద్వారా ఎన్‌ఎస్‌ఈ మరింత మెరుగైన సేవలను అందించగలుగుతుంది.

న్యూఢిల్లీ, మార్చి 22: మైసూర్ నంజన్‌గడ్‌లో గల జుబిలియంట్ లైఫ్ సైనె్సస్ సంస్థకు చెందిన ఔషధ తయారీ పరిశ్రమపై అమెరికాకు చెందిన ఆరోగ్య నియంత్రణ సంస్థ యూఎస్‌ఎఫ్‌డీఏ చర్యలు తీసుకునే అవకాశాలున్నాయి. ఈమేరకు ఆ నియంత్రణ విభాగం తమ సంస్థకు తక్కువ స్థాయి క్లాసిఫికేషన్ ఇచ్చే అవకాశాలున్నాయని శుక్రవారం జుబిలియంట్ లైఫ్ సైనె్సస్ సంస్థ స్వయంగా సమర్పించిన రెగ్యులేటరీ ఫైలింగ్‌లోప్రకటించడం గమనార్హం.