ముంబయి, ఫిబ్రవరి 20: భారత రూపాయి మారకం విలువ బుధవారం స్వల్పంగా పెరిగింది. అమెరికన్ డాలర్‌తో మూడు పైసలు పెరిగి 71.31 రూపాయలకు చేరింది. నిలకడైన చమురు ధరల నేపథ్యంలో విదేశీ పెట్టుబడులు వెనక్కు మళ్లడం బుధవారం కూడా కొనసాగింది. ఇంటర్‌బ్యాంక్ ఫారిన్ ఎక్చేంజ్ ( ఫారెక్స్) మార్కెట్‌లో స్థానిక యూనిట్లు 71.29 వద్ద బలంగా ఆరంభమై చివరకు స్వల్ప లాభాలతో 71.31 వద్ద ముగిశాయి.

ముంబయి, ఫిబ్రవరి 19: భారత, అర్జెంటీనాల మధ్య వాణిజ్య పరమైన బంధాలను బలోపేతం చేసుకోదలిచామని మన దేశంలో పర్యటిస్తున్న అర్జెంటీనా అధ్యక్షుడు వౌరిసియో మక్రి పేర్కొన్నారు. తమ దేశానికి భారత్ మంచి ‘్భవిష్యత్ భాగస్వామి’గా ఉండాలన్నది తమ ఆకాంక్ష అని ఆయన చెప్పారు. న్యూఢిల్లీలో మన దేశానికి చెందిన కొంతమంది నేతలను కలుసుకున్న అనంతరం మంగళవారం నాడిక్కడ జరిగిన వాణిజ్య శిఖరాగ్ర సమావేశంలో పాల్గొని మాట్లాడారు.

టోక్యో, ఫిబ్రవరి 19: పడమటి ఇంగ్లాండ్‌లో ఉన్న తమ కంపెనీ కార్ల ఫ్యాక్టరీని 2021లో మూసివేయనున్నట్టు హోండా మోటార్ కో లిమిటెడ్ యాజమాన్య మంగళవారం నాడిక్కడ తెలిపింది. మార్చి 29 నుంచి యూరోపియన్ యూనియన్ మార్కెట్ల నుంచి వైదొలుగుతున్న నేపథ్యంలో ఇంగ్లండ్ ఆర్థిక వ్యవస్థపై అది ప్రతికూల ప్రభావం చూపుతుందని హోండా మోటార్ కో లిమిటెడ్ కంపెనీ భావిస్తోంది.

న్యూఢిల్లీ: దేశంలో తక్కువ సంఖ్యలో, పెద్ద బ్యాంక్‌లు ఉండడాలన్నదే తన అభిప్రాయమని కేంద్ర ఆర్థిక శాఖ మంత్రి అరుణ్ జైట్లీ స్పష్టం చేశారు. ఆర్థిక రంగం పరిపుష్టం కావడానికి, వేగంగా అభివృద్ధి చెందడానికి ఇది తప్పనిసరి ఆర్‌బీఐ బోర్డు లాంఛన ప్రాయమైన బడ్జెట్ సమావేశం అనంతరం విలేఖరులతో మాట్లాడుతూ అన్నారు. ఐదు అనుబంధ బ్యాంక్‌లు, భారతీయ మహిళా బ్యాంక్ కూడా 2017లో ఎస్‌బీఐలో విలీనమయ్యాయి.