న్యూఢిల్లీ, ఫిబ్రవరి 24: దేశీయ రుణ మార్కెట్ల నుంచి విదేశీ పోర్టుపోలియో మదుపర్లు (ఎఫ్‌పీఐలు) 1,900 కోట్ల రూపాయల విలువైన వాటాలను ప్రస్తుత నెలలో ఇప్పటి వరకు విక్రయించారు. పుల్వామా ఘటనతో సరిహద్దుల్లో యుద్ధమేఘాలు కమ్ముకున్న క్రమంలో ఈ పరిణామం చోటుచేసుకుందని విశే్లషకులు భావిస్తున్నారు. తాజా గణాంకాల మేరకు విదేశీ పెట్టుబడిదార్లు రూ.2,039 కోట్ల రూపాయలు మన దేశ ఈక్విటీల్లో ఈనెల 22వ తేదీ వరకు మదుపు చేశారు.

మస్కట్, ఫిబ్రవరి 24: పర్యాటక రంగం మరింతగా పెరుగుతుందని, ఈ ఆర్థిక సంవత్సరాంతానికి రెండంకెల వృద్ధిరేటు సాధ్యమవుతుందని ఒమన్ ఆశిస్తున్నది. భారత్ నుంచి పెరుగుతున్న టూరిస్టులే ఒమాన్ పర్యాటక రంగానికి వెన్నుముకగా ఉన్నారు. జాతీయ ఆదాయంలో అత్యధిక శాతం ఏడు దేశాల సభ్యత్వం ఉన్న గల్ఫ్ కోపరేషన్ కౌన్సిల్ (జీసీసీ) నుంచే వస్తున్నది. ఒమన్‌ను సందర్శించే వారిలో భారతీయులే అత్యధికం.

ముంబయి, ఫిబ్రవరి 23: స్టాక్ మార్కెట్ ఈవారం కోలుకుంది. గత వారం ఎదుర్కొన్న వరుస నష్టాల ఊబి నుంచి బయటపడి, లాభాల బాట పట్టింది. వారం మొత్తం మీద సెనె్సక్స్ 62.53 పాయింట్లు పెరిగింది. మొదటి రెండు రోజులు స్టాక్స్ నష్టాల్లో ట్రేడైనప్పటికీ, ఆతర్వాత పుంజుకుంది. మొత్తం మీద బాంబే స్టాక్ ఎక్ఛ్సేంజ్ (బీఎస్‌ఈ)లో లావాదేవీలు ఆశాజనకంగానే కనిపించాయి.

న్యూఢిల్లీ, ఫిబ్రవరి 23: ప్రైవేటు రంగంలో ఆర్థిక సేవలు అందిస్తున్న కోటక్ మహీంద్ర బ్యాంక్ నుంచి ఐఎన్‌జీ గ్రూప్ వైదొలగిం ది. ఈ విషయాన్ని కోటక్ మహీంద్ర శుక్రవారం విడుదల చేసిన ఒ క ప్రకటనలో పేర్కొంది. ఐఎన్‌జీకి కోటక్ మహీంద్రలో 1.20 శాతం వాటాలు ఉన్నాయి. వాటి విలువ సుమారు రూ.2,800 కోట్లు. నెదర్లాండ్స్‌కు చెందిన ఐఎన్‌జీ గ్రూప్ పూర్తి వాటాలను ఉపసంహరించుకుంది.