హైదరాబాద్, డిసెంబర్ 15: రైల్వే ప్రయాణికులు ఎదుర్కొంటున్న సమస్యలను సత్వరం పరిష్కరించేందుకు ‘రైల్ మదద్ ’ పేరుతో కొత్త మొబైల్‌యాప్‌ను తీసుకొచ్చారు. ప్రయాణంలో బోగీల్లో తమకు ఎదురవుతున్న సమస్యలతో పాటు అపరిశుభ్రంగా ఉన్నా వాటిని తమ మొబైల్ ఫోన్లతో ఫోటోలు తీసి ‘రైల్ మదద్’ యాప్‌కు పంపవచ్చు. ప్రయాణికులు పంపిన సమాచారానికి అధికారుల నుంచి వెంటనే స్పందన ఉంటుంది.

ముంబయి, డిసెంబర్ 15: చాలా కాలం తర్వాత భారత్ మార్కెట్‌లో అడుగుపెట్టిన జావా మోటారుసైకిల్‌కు చెందిన రెండు ఔట్‌లెట్‌లను ప్రారంభించారు. గత నెలే భారత్‌లోకి అడగుపెట్టిన జావా మూడు మోడళ్లను లాంచ్ చేయనుంది. తమ మొదటి రెండు డీలర్‌షిప్‌లను పుణెలో ప్రారంభించామని నిర్వాహకులు తెలిపారు. ఇక్కడ వినియోగదారులు టెస్ట్‌రైడ్, బుకింగ్ చేసుకోవచ్చునని చెప్పారు.

హైదరాబాద్, డిసెంబర్ 15: తెలంగాణ రాష్ట్ర ముఖ్యమంత్రి కేసీఆర్ తీసుకువస్తున్న నూతన వ్యాపార విధానాలతో చిన్న, మధ్యతరహా సంస్థలు ఆర్థికంగా బాగుపడుతున్నాయని ఢిల్లీలో తెలంగాణ రాష్ట్ర ప్రతినిధిగా ఉన్న వేణుగోపాలా చారి అన్నారు. శనివారం ఢిల్లీలో జరిగిన బీఎన్‌ఐ క్యాపిటల్ ‘ మెగా బిజినెస్ మీట్’ సదస్సులో ఆయన ముఖ్య అతిధిగా పాల్గొన్నారు.

న్యూఢిల్లీ, డిసెంబర్ 14: ఉద్దేశపూర్వకంగా రుణాలను చెల్లించని దివాళా కంపెనీలపై ప్రభుత్వ రంగ బ్యాంకులు కఠిన చర్యలు తీసుకుంటున్నాయని లోక్‌సభలో కేంద్ర ఆర్థిక మంత్రి అరుణ్ జైట్లీ పేర్కొన్నారు. గడచిన సెప్టెంబర్ మాసాంతం వరకు ఉద్దేశపూర్వక రుణ ఎగవేతదార్లపై మొత్తం 2,571 ఎఫ్‌ఐఆర్‌లను సంబంధిత బ్యాంకులు నమోదు చేశాయని, అలాగే 9,363 రికవరీ కేసులు (సూట్‌లు)కూడా న్యాయస్థానాల్లో ఉన్నాయన్నారు.