దుబాయి, డిసెంబర్ 12: తగ్గుముఖం పడుతున్న ధరలు పెంచడానికి, ఉత్పత్తులను స్థిరీకరించేందుకు పెట్రోలియం ఉత్పత్తుల తయారీని తగ్గించడానికి చమురు ఉత్పత్తి సంస్థలు అంగీకరించాయని యూఏఈ మంత్రి తెలిపారు. ఒపెక్, నాన్ ఒపెక్ ఉత్పత్తిదారులు తమ ఉత్పత్తిని రోజుకు 1.2 మిలియన్ బ్యారెళ్ల ఉత్పత్తిని జనవరి ఒకటి నుంచి ఆరు నెలల పాటు తగ్గించాలని నిర్ణయించారని ఆయన చెప్పారు.

అమరావతి, డిసెంబర్ 11: నూతన ఆవిష్కరణల్లో ఆంధ్రప్రదేశ్ ప్రభుత్వంతో భాగస్వామ్యానికి అమెరికాలోని కాలిఫోర్నియా లెజిస్లేటివ్ ప్రతినిధులు సుముఖత వ్యక్తంచేశారు. ఇందులో భాగంగా మంగళవారం సచివాలయంలో ముఖ్యమంత్రి చంద్రబాబునాయుడుతో కాలిఫోర్నియా సెనేట్ సభ్యుడు అష్‌కల్రా నేతృత్వంలోని ప్రతినిధి బృందం సిసిలియా ఆగ్యా, రిచర్డ్ బ్లూం, ఎలిస్ గొమెజ్ రెయిస్, షాలోన్ క్విర్క్ శిల్వా, మార్క్‌స్టర్ భేటీ అయ్యారు.

న్యూఢిల్లీ, డిసెంబర్ 11: భారత్ బ్యాంకులకు రూ.9000 కోట్లు ఎగవేసిన మద్యం వ్యాపారి విజయ్ మాల్యను వీలైనంత త్వరలో భారత్‌కు తెచ్చేందుకు చర్యలు తీసుకురావాల్సిన అవసరం ఉందని ఎస్‌బీఐ అధికార వర్గాలు తెలిపాయి. ఇప్పటికే మాల్యను భారత్‌కు అప్పగించాలని లండన్ కోర్టు ఆదేశాలు జారీ చేసిన విషయం విదితమే. మాల్యా దాదాపు 13 బ్యాంకులకు బకాయి ఉన్నాడు.

న్యూఢిల్లీ, డిసెంబర్ 11: కమోడిటీ మార్కెట్లో కస్టోడియల్ సేవలను అనుమతించే ప్రతిపాదనను మార్కెట్ నియంత్రణ సంస్థ సెబి యోచిస్తోంది. నేడు సెబి బోర్డు మీటింగ్ జరగనుంది. ఈ సమావేశంలో ఈ అంశంపై కూలంకషంగా చ ర్చించనున్నట్లు సెబి వర్గాలు తెలిపాయి. సెక్యూరిటీస్, కమోడిటీస్‌ను డెలివరీ చేసేందుకు వీలుగా కస్టోడియల్ సేవలను అనుమతించనున్నారు. బంగారం ఉత్పత్తులు, సెక్యూరిటీస్‌కు మాత్రమే వీటిని వర్తింపచేయనున్నారు.