న్యూఢిల్లీ, డిసెంబర్ 3: వరుసగా నాలుగు రోజులు నష్టాలను ఎదుర్కొన్న బులియన్ మార్కెట్ సోమవారం కోలుకుంది. పది గ్రాముల బంగారం ధర ఒక్క రోజే 390 రూపాయలు పెరగి, 31,850 రూపాయలకు చేరింది. దేశీయ నగల వ్యాపారుల నుంచి డిమాండ్ ఏర్పడడం బంగారం ధర పెరగడానికి ఒక కారణమైతే, రూపాయి మారకపు విలువ పడిపోవడం మరోకారణం. శనివారం 31,460 రూపాయలుగా ఉన్న పది గ్రాముల బంగారం ఈవారం మొదట్లోనే లాభాల బాట పట్టడం విశేషం.

న్యూఢిల్లీ: రిజర్వు బ్యాంకు వడ్డీ రేట్ల నిర్ణయం, సూక్ష్మ ఆర్థిక జాబితాతోబాటు అంతర్జాతీయ పరిస్థితులు ఈవారం స్టాక్‌మార్కెట్ స్థితిగతులను నిర్ధేశించనున్నాయని పరిశీలకులు అంచనావేస్తున్నారు. ఉత్పాదక, సేవా రంగాల్లో ప్రాథమిక పెట్టుబడుల డేటాను అనుసరించి మార్కెట్‌లోని వ్యాపార సెంటిమెంటు ప్రభావితం అవుతుందని అంటున్నారు.

ముంబై, డిసెంబర్ 2: దేశంలో స్మార్ట్ ఫోన్‌ల వాడకం పెరిగిపోతున్న ప్రస్తుత తరుణంలో మ్యూజిక్ యాప్‌లు డౌన్‌లోడ్ చేసుకుంటూ పాటలు విని ఆనందిస్తున్న వారి సంఖ్య కూడా అదే స్థాయిలో రోజురోజుకీ పెరుగుతూనే ఉంది. ముఖ్యంగా ‘గానా’ యాప్ సృష్టిస్తున్న సంచలనం అంతాఇంతా కాదు. రాబోయే రెండేళ్లల్లో 200 మిలియన్ల మంది చందాదారులను కలిగి ఉండాలని గానా కోరుకుంటోంది.

ముంబయి: బాంబే స్టాక్ ఎక్ఛ్సేంజ్ (బీఎస్‌ఈ) లావాదేవీలు ఈవారం జోరుగా కొనసాగాయి. గత రెండు నెలల కాలానికి గరిష్టంతో శుక్రవారం నాటి ట్రేడింగ్‌ను ముగించింది. దూకుడును కొనసాగించిన సెనెక్స్ 36,194.30 పాయింట్లకు చేరుకోవడం మారుతున్న మార్కెట్ గమనాలకు అద్దం పడుతుంది. వరుస నష్టాల్లో ముగిసిన స్టాక్ మార్కెట్ లావాదేవీలు ఈవారం ప్రారంభం నుంచే కోలుకోవడం ప్రారంభమైంది.