హైదరాబాద్, నవంబర్ 25: దేశంలో ఉన్న విద్యుత్ ఉత్పత్తి కేంద్రాలకు అవసరమైన బొగ్గును సరఫరా చేయడానికి సింగరేణి కాలరీసుకు భారీగా అవకాశాలు దక్కాయి. శనివారం ఒక్కరోజే సింగరేణి బొగ్గు గనుల నుంచి రోజుకు లక్షా 63వేల టన్నుల బొగ్గును సరఫరా చేసి కొత్త రికార్డును సృష్టించింది. సింగరేణి ఏరియాలోని 10 బొగ్గు కేంద్రాల నుంచి రోజూ వివిధ ప్రాంతాలకు బొగ్గు రవాణా అవుతుంది.

న్యూఢిల్లీ, నవంబర్ 25: మార్కెట్‌లో వస్తుసేవల విలువ పతనం రిలయన్స్ ఇండస్ట్రీస్ (రిల్), టీసీఎస్‌ను కూడా ప్రభావితం చేసింది. ఈనెల 16 నుంచి 22వ తేదీ వరకు మార్కెట్ క్యాపిటలైజేషన్ వివరాల పరిశీలిస్తే రిల్ ఏకంగా 15,615 కోట్ల రూపాయలు నష్టపోయింది. ఈ కంపెనీ వస్తుసేవలు విలువ 7,14,659 కోట్ల రూపాయల నుంచి 6,99,044 కోట్ల రూపాయలకు పడిపోయింది. అదే విధంగా టీసీఎస్ కూడా భారీగానే నష్టపోయింది.

ముంబయి, నవంబర్ 25: వోన్డ్ ఒవర్ ది టాప్ (ఓటీటీ) పద్ధతిలో బాలాజీ టెలీ ఫిల్మ్స్ నిర్వహిస్తున్న అజిత్‌బాలాజీకి ప్రతినెలా 2.3 మిలియన్ల మంది చురుకైన వినియోగదార్లు సమకూరుతున్నారని బాలాజీ టెలీ ఫిల్మ్స్ సంస్థ చీఫ్ ఆపరేటింగ్ ఆఫీసర్, అజిత్ బాలాజీ సీఈవో నచికేత్ పంట్వైడ్యా తెలిపారు. వచ్చే రెండున్నరేళ్ల కాలంలో 150 కోట్ల ఆదాయం తమ సంస్థకు చేకూరుతుందని అంచనా వేస్తున్నామని ఆయన చెప్పారు.

న్యూఢిల్లీ, నవంబర్ 25: ఈవారం ప్రపంచ మార్కెట్లు ప్రోత్సాహకరంగా ఉండే అవకాశాలున్నాయని, అయతే ముడిచమురు ధరలు, అమెరిక్ డాలర్‌తో భారత రూపాయి విలువ ఈ మార్కెట్ల ట్రెండ్‌ను నియంత్రించే అవకాశాలున్నాయని విశే్లషకులు పేర్కొంటున్నారు. అలాగే సెప్టెంబర్‌తో ముగిసే త్రైమాసికానికి తలసరి ఆదాయానికి సంబంధించిన విషయంపై మదుపర్లు దృష్టి పెట్టారని పరిశీలకులు అంటున్నారు.