న్యూఢిల్లీ, మే 11: ‘రోటావాక్’ వ్యాక్సిన్ రూపొందించిన బయోఫార్మన్యూటికల్స్ సంస్థ భారత్ బయోటెక్‌కు ప్రతిష్ఠ పురస్కారం లభించింది. 20వ జాతీయ వైజ్ఞానిక దినోత్సవం సందర్భంగా సాంకేతిక పురస్కారాన్ని శుక్రవారం నాడు ఢిల్లీలో జరిగిన ఒక కార్యక్రమంలో రాష్టప్రతి రామ్‌నాథ్ కోవింద్ చేతుల మీదుగా ఆ సంస్థ ఎగ్జిక్యూటివ్ డైరెక్టర్ కృష్ణ మోహన్, వైరల్ వ్యాక్సిన్ డైరెక్టర్ హర్షవర్ధన్ సంయుక్తంగా అందుకున్నారు.

న్యూఢిల్లీ, మే 11: ఫ్లిప్‌కార్ట్‌లో తనకు ఉన్న 20 శాతం వాటాలను అమెరికాకు చెందిన వాల్‌మార్ట్‌కు విక్రయించే ప్రతిపాదనపై ఎటువంటి నిర్ణ యం తీసుకోలేదని జపాన్ సాఫ్ట్ బ్యాంక్ గ్రూప్ కార్పోరేషన్ వర్గాలు తెలిపాయి. వచ్చే వారం రోజుల్లో ఈ విషయమై నిర్ణయం తీసుకునే అవకాశం ఉందని ఆ సంస్థ వర్గాలు తెలిపాయి. ఫ్లిప్‌కార్ట్‌లో 77శాతం వాటాలను కొనుగోలు చేస్తున్న ట్లు వాల్‌మార్ట్ ప్రకటించిన విషయం విదితమే.

న్యూఢిల్లీ, మే 10: మొబైల్ సర్వీసు ప్రొవైడర్ కంపెనీల విలీనం ప్రక్రియ ఊపందుకుంది. ఒక నెలరోజుల్లోనే ఎయిర్‌టెల్, టెలినార్ కంపెనీల విలీనం ప్రక్రియకు అనుమతి ఇస్తామని టెలికాం కార్యదర్శి అరుణ సుందరరాజన్ తెలిపారు. అలాగే ఐడియా, వొడాఫోన్‌ల విలీనం కూడా వీలైనంత త్వరలో ముగుస్తుందని ఆమె చెప్పారు. ఐడియా, వోడాఫోన్ల విలీనంలో ఎటువంటి జాప్యం లేదని, అలాగే ఆటంకాలు కూడా లేవని ఆమె చెప్పారు.

ముంబయి, మే 10: మూడు రోజుల పాటు లాభాలు చవిచూసిన దేశీయ స్టాక్ మార్కెట్లు గురువారం స్వల్పంగా నష్టపోయాయి. అంతర్జాతీయ మార్కెట్‌లో ముడి చమురు ధరలు పెరగడంతో పాటు రూపాయి బలహీనపడిన పరిస్థితుల్లో మదుపరులు కొనుగోళ్లకు దూరంగా ఉండటం వల్ల మార్కెట్ కీలక సూచీలు స్వల్పంగా పడిపోయాయి. కర్ణాటకలో శనివారం అసెంబ్లీ ఎన్నికలు జరుగనుండటంతో మార్కెట్‌లో మదుపరులు ఆచితూచి వ్యవహరించారు.