న్యూఢిల్లీ, సెప్టెంబర్ 2: అమెరికా డాలరుతో భారత కరెన్సీ బలోపేతం కావడం అటు ప్రభుత్వానికి, ఇటు వ్యాపార వర్గాలకు సంతోషంకన్నా ఎక్కువ ఆందోళననే కలిగిస్తోంది. నిజానికి ఏ దేశీయ కరెన్సీ అయినా బలపడితే అందరూ సంతోషిస్తారు. అయితే రూపాయి విషయంలో మాత్రం దీనికి వ్యతిరేకంగా జరుగుతోంది. డాలరుతో రూపాయి బలపడ్డం వల్ల అధిక వృద్ధి రేటును సాధించాలన్న ప్రభుత్వ ఆకాంక్షలు దెబ్బతింటున్నాయి.

ప్రభుత్వ రంగ బీమా సంస్థ లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్‌ఐసి) మొదలై శుక్రవారానికి 61 ఏళ్లు పూర్తయ్యాయ. ఈ సందర్భంగా హైదరాబాద్‌లో మాట్లాడుతున్న సంస్థ ప్రతినిధులు. 1956 సెప్టెంబర్ 1న 5 కోట్ల రూపాయల మూలధనంతో ప్రారంభమైన ఎల్‌ఐసి.. నేడు 25 లక్షల కోట్ల రూపాయలకుపైగా ఆస్తులను కలిగి ఉంది. నాడు 168 కార్యాలయాలుండగా, నేడు 4,897కి పెరిగాయ.

న్యూఢిల్లీ, సెప్టెంబర్ 1: ప్రభుత్వ రంగ బ్యాంకింగ్ సంస్థ కెనరా బ్యాంక్.. సేవింగ్స్ బ్యాంక్ ఖాతాలపై వడ్డీరేటును 50 బేసిస్ పాయింట్లు తగ్గించింది. దీంతో పొదుపు ఖాతాల్లోని సొమ్ముకు ఇకపై 3.5 శాతం వరకే వడ్డీ లభించనుంది. అయితే 50 లక్షల రూపాయల వరకే ఈ వడ్డీరేటు. అంతకంటే ఎక్కువ ఉంటే 4 శాతం వడ్డీరేటు లభిస్తుంది. ఈ మేరకు శుక్రవారం బ్యాంక్ తెలియజేసింది.

ముంబయి, సెప్టెంబర్ 1: దేశీయ స్టాక్ మార్కెట్లు శుక్రవారం లాభాల్లో ముగిశాయి. ఆటో అమ్మకాలు మదుపరులను ఉత్సాహపరచగా, సూచీలు పరుగులు పెట్టాయి. ఆగస్టులో దేశీయ వాహన అమ్మకాలు జోరుగా సాగాయి. ఈ క్రమంలోనే బాంబే స్టాక్ ఎక్స్‌చేంజ్ సూచీ సెనె్సక్స్ 161.74 పాయింట్లు పుంజుకుని 31,892.23 వద్ద స్థిరపడింది. నేషనల్ స్టాక్ ఎక్స్‌చేంజ్ సూచీ నిఫ్టీ సైతం 56.50 పాయింట్లు అందుకుని 9,974.40 వద్ద నిలిచింది.