న్యూఢిల్లీ, అక్టోబర్ 10: రత్నాలు, బంగారు ఆభరణాల ఎగుమతుల్లో గడచిన ఏప్రిల్ నుంచి ఆగస్టు మాసం వరకు 7 శాతం తగ్గుదల చోటుచేసుకుంది. ఈకాలంలో మొత్తం 12.4 బిలియన్ డాలర్ల విలువైన ఎగుమతులు జరిగాయి. అంతర్జాతీయం గా అతిపెద్ద మార్కెట్లలో సైతం డిమాండ్ తగ్గడంవల్లే ఈ పరిస్థితి నెలకొంది.

న్యూఢిల్లీ, అక్టోబర్ 10: ప్రధాన మంత్రి నరేంద్ర మోదీ నేతృత్వంలోని కేంద్ర ప్రభుత్వం దేశంలోని 150 రైళ్లను, 50 రైల్వే స్టేషన్లను ప్రైవేటు ఆపరేటర్లకు అప్పగించడానికి చర్యలు ప్రారంభించింది. దీనికోసం ఒక బ్లూప్రింట్‌ను తయారు చేసేందుకు ఒక టాస్క్ఫోర్స్‌ను ఏర్పాటు చేసే పనిలో నిమగ్నమయింది.

న్యూఢిల్లీ, అక్టోబర్ 9: వివిధ స్లాబుల్లో ఇతర నెట్ వర్క్‌లకు చేసే ఫోన్ కాల్స్‌కు ఇకపై రుసుం వసూలు చేస్తున్నట్లు జియో ప్రకటించింది. జియో నుంచి ఇతర నెట్ వర్క్‌లకు చేసే కాల్ నిమిషానికి ఆరు పైసలు చొప్పున వసూలు చేయాలని తీర్మానించింది. ఈ నిర్ణయం గురువారం నుంచి అమలులోకి రానున్నది. దేశ వ్యాప్తంగా ఉన్న వినియోగదారులను ఈ అదనపు భారం నుంచి తప్పించడానికి ఐయుసీ టాప్‌అప్ ఓచర్లను అందుబాటులోకి తీసుకురానుంది.

ముంబయి, అక్టోబర్ 9: దేశీయ స్టాక్ మార్కెట్లు బుధవారం భారీగా లాభపడ్డాయి. ఇప్పటి వరకు వరుస నష్టాలతో మదుపరులను కలవరపరచిన మార్కెట్లు మంగళవా రం విజయదశమి సెలవుదినానంతరం లాభాల్లోకి రావడం శుభ సూచికం. ప్రధానంగా బ్యాంకింగ్, ఫైనాన్షియల్, లో హ స్టాక్స్ భారీగా లాభాలను సంతరించుకున్నాయి. తొలు త ఆచితూచి వ్యవహరించిన మదుపర్లు మధ్యాహ్నం తర్వా త భారీగా వాటాల కొనుగోళ్లకు దిగారు.