న్యూఢిల్లీ : ఉత్తరప్రదేశ్‌లోని ఘజియాబాద్‌లో గృహ నిర్మాణం కోసం 900 కోట్ల రూపాయలు పెట్టుబడిగా ఉంచాలని ప్రముఖ రియాలిటీ సంస్థ మిగ్‌సన్ గ్రూప్ నిర్ణయించింది. ఈ ప్రాజెక్టు కింద రాజ్‌నగర్ ఎక్స్‌టెన్షన్‌లో 2,326 గృహాలను నిర్మిస్తున్నట్టు ఈ సంస్థ శనివారం విడుదల చేసిన ఓ ప్రకటనలో తెలిపింది. ఆర్థికంగా వెనుకబడిన వర్గాలకు వీటిలో 850 గృహాలను కేటాయిస్తామని పేర్కొంది.

మండి, అక్టోబర్ 5: హిమాచల్‌ప్రదేశ్‌లోని ధర్మశాలలో పెట్టుబడిదారుల సమావేశం వచ్చేనెల 7, 8 తేదీల్లో జరుగనుంది. ఈ సమావేశానికి ప్రధాని నరేంద్ర మోదీ, కేంద్ర హోం మంత్రి అమిత్ షా తదితరులు హాజరవుతారు. వివిధ దేశాల నుంచి వచ్చే పెట్టుబడిదారులు ఈ సదస్సులో పాల్గొంటారు. దేశంలోకి భారీగా విదేశీ పెట్టుబడులకు ఈ సదస్సు ఉపయోగపడుతుందని ముఖ్యమంత్రి జైరామ్ ఠాకూర్ శనివారం ఇక్కడ విలేఖరులతో మాట్లాడుతూ తెలిపారు.

సింగపూర్, అక్టోబర్ 5: భారత్‌లో కీలక వడ్డీ రేట్లు మరింత తగ్గే అవకాశం ఉందని సింగపూర్ కేంద్రంగా పనిచేస్తున్న డీబీఎస్ బ్యాంక్ అంచనా వేసింది. డిసెంబర్‌లోనూ, తరువాత 2020లోనూ వడ్డీ రేట్ల తగ్గింపు కొనసాగే అవకాశం ఉందని పేర్కొంది. ఇటీవలి కాలంలో కీలక వడ్డీ రేట్ల తగ్గింపును ప్రారంభించిన రిజర్వ్ బ్యాంక్ (ఆర్‌బీఐ) శుక్రవారం వరుసగా అయిదోసారి రెపో రేట్‌ను 25 బేసిస్ పాయింట్లు తగ్గించింది.

అమరావతి, అక్టోబర్ 5: సింగరేణి కాలరీస్ నుంచి బొగ్గు సరఫరాకు ప్రభుత్వం కుదుర్చుకున్న ఒప్పందం ఈనాటిది కాదని జెన్‌కో సీఎండీ బీ శ్రీ్ధర్ తెలిపారు. రాష్ట్రంలో థర్మల్ విద్యుదుత్పాదనకు సంబంధించి మహానంది కోల్ ఫీల్డ్స్ నుంచి సేకరణ తగ్గిన నేపథ్యంలో సింగరేణి కోల్ కాలరీస్ లిమిటెడ్ (ఎస్సీసీఎల్)తో 2014-15లో అప్పటి ప్రభుత్వం అవసరాలకు తగ్గట్టుగా దిగుమతి చేసుకుందన్నారు.