ముంబయి, ఆగస్టు 30: బ్యాంకుల అభివృద్ధికి, తద్వారా దేశ ఆర్థికాభివృద్ధికి చేపడుతున్న చర్యలను కేంద్ర ప్రభుత్వం వెల్లడించడంతో శుక్రవారం దేశీయ స్టాక్ మార్కెట్లు మళ్లీ లాభాల్లోకి వచ్చాయి. ప్రధానంగా బ్యాంకింగ్, ఎఫ్‌ఎంసీజీ స్టాక్స్‌లో వాటాల కొనుగోళ్లు చివరి గంటల్లో ఊపందుకున్నాయి. అంతేకాకుండా రూపాయి మారకం విలువ సైతం మెరుగవడం మార్కెట్లకు ఊతమిచ్చింది.

న్యూఢిల్లీ, ఆగస్టు 30: శీఘ్ర విక్రయ వస్తువులు (ఎఫ్‌ఎంసీజీ) రంగ దిగ్గజం ‘డాబర్ ఇండియా’ సమకాలీన ఆయుర్వేద ఔషధాలతోబాటు సంప్రదాయ ఔషధాల తయారీపై దృష్టి సారించింది. అభివృద్ధి వ్యూహంలో భాగంగా సంప్రదాయ దృక్పథంతో కూడిన ఔషధాలను ప్రవేశపెట్టేందుకు పరిశోధనాత్మకంగా ముందడుగు వేస్తున్నట్టు ఆ కంపెనీ కొత్త చైర్మన్ అమిత్ బర్మన్ నాడిక్కడ తెలిపారు.

హైదరాబాద్, ఆగస్టు 30: రాష్ట్రంలో 150 ఎకరాల విస్తీర్ణంలో విత్తన పార్క్ ఏర్పాటు చేయబోతున్నట్టు వ్యవసాయశాఖ మంత్రి సింగిరెడ్డి నిరంజన్‌రెడ్డి వెల్లడించారు. దేశంలోనే కాకుండా ఇతర దేశాలకు కూడా తెలంగాణ నుంచి విత్తనాలను సరఫరా చేస్తున్నట్టు మంత్రి తెలిపారు. రాష్ట్రంలో ఏర్పాటు కాబోతున్న విత్తన పార్క్‌ను అధ్యయనం చేయడానికి ఉత్తరప్రదేశ్ వ్యవసాయశాఖ మంత్రి సూర్యప్రతాప్ సాహి శుక్రవారం హైదరాబాద్‌కు వచ్చారు.

విజయవాడ: రాష్ట్రంలో సెప్టెంబర్ 1 నుంచి 500 మద్యం దుకాణాలను ప్రయోగాత్మకంగా రాష్ట్ర ప్రభుత్వం ప్రారంభించనుంది. మిగిలిన 3000 దుకాణాలను అక్టోబర్ 1 నుంచి ప్రారంభించనున్నారు. వెలగపూడి సచివాలయంలో కొత్త మద్యం పాలసీ అమలు తదితర అంశాలపై అధికారులతో గురువారం ఎక్సైజ్ శాఖ కమిషనర్ ఎంఎం నాయక్ సమీక్ష నిర్వహించారు. అనంతరం ఆయన మీడియాతో మాట్లాడుతూ ఈ దుకాణాలను రాష్ట్ర ప్రభుత్వమే నిర్వహిస్తుందన్నారు.