మనదేశంలో రైలు ప్రమాదాలు జరిగిన ప్రతిసారీ- అందుకు మానవ తప్పిదమా? సిబ్బంది అలసత్వమా? తీవ్రవాదుల విద్రోహమా? అన్న చర్చలు జరుగుతాయే తప్ప రైళ్లలో భద్రతను పెంచేందుకు నిర్దిష్ట చర్యలు తీసుకోవడం లేదు. సువిశాల భారతదేశంలో ప్రయాణీకుల, సరకుల రవాణాకు రైళ్లే ప్రధాన ఆధారం. అయితే, రైలు ప్రయాణమంటేనే ప్రజలు హడలెత్తిపోయే పరిస్థితి ఏర్పడింది.

ఆమె పేరులోనే ‘మమత’.. కళ్లలో కసి, మాటలో పదును, నడకలో వేగం ఆమె నైజం. ప్రత్యర్థుల్ని చీల్చి చెండాడడం, ఎప్పుడూ ఏదో ఒక వివాదాన్ని రాజేయడం ఆమె స్వభావం. పశ్చిమ బెంగాల్‌లో వామపక్షాల సుదీర్ఘపాలనకు తెరదించి ముఖ్యమంత్రి పీఠాన్ని దక్కించుకున్న మమతా బెనర్జీ పాలనావ్యవస్థపై కంటే వివాదాలపైనే నిత్యం దృష్టిసారిస్తుంటారు. ఆమె ఇప్పుడు ఏకంగా ప్రధాని నరేంద్ర మోదీపైనే బహిరంగ యుద్ధం ప్రకటించారు.

చలికాలం వచ్చిందంటే చాలు స్వైన్ ఫ్లూ వ్యాధి విజృంభించడం షరామామూలైంది. ఇది విజృంభిస్తున్నదని వార్తలు వస్తున్నప్పుడే నివారణ కోసం ప్రయత్నాలు జరగడం పరిపాటైంది. స్వైన్‌ఫ్లూ అనేది హెచ్1ఎన్1 అనే వైరస్. దీని బారిన పడ్డ వారికి జ్వరం, గొంతునొప్పి, దగ్గు, తలనొప్పి, కండరాల నొప్పి, కీళ్ళనొప్పులు, వాంతి వచ్చినట్లు అనిపించడం సహజం.

సరికొత్త భావాలతో కళకళలాడే తరగతి గది తీరు- ‘నిత్యకల్యాణం పచ్చతోరణం’లా ఉంటుంది. ప్రతి విద్యార్థి తన ఆలోచనలతో తరగతి గదిని సమ్మేళనం చేసి ఒక కొత్త భావనలను అందిస్తూ ఉంటాడు. ఉపాధ్యాయుడు వీటన్నింటినీ ‘డాక్యుమెంట్’ చేస్తే ప్రతి సంవత్సరం ప్రతి క్లాసును ఒక ‘్భవాల ప్రపంచం’గా సృష్టించవచ్చు కదా! విద్యార్థి లోకానికి తరగతి ఒక భూమికలా ఉపయోగపడుతుంది. దీనిలో పిల్లలందరూ భాగస్వాములై తమ భావాలను వ్యక్తం చేస్తారు.