కామారెడ్డి టౌన్, జనవరి 21: మాట కంటే పాటే గొప్పదని, కళాకారులు పాడే మాటలు తెలంగాణ ఉద్యమాన్ని ముందుకు నడిపించాయని రాష్ట్ర వ్యవసాయ శాఖ మంత్రి పోచారం శ్రీనివాస్‌రెడ్డి అన్నారు. శనివారం కలెక్టర్ కార్యాలయంలో కౌడి రవీందర్ రచించిన కామారెడ్డి నూతన జిల్లాకు సంబంధించిన వీడియో అల్బమ్‌ను ఆవిష్కరించిన అనంతరం మాట్లాడారు. జిల్లాపై పాటలను చిత్రీకరించిన బృందాన్ని అభినందించారు.

భువనగిరి, జనవరి 21: గ్రామీణ ఉపాధి హామీ పథకం నిధులను సకాలంలో వినియోగించని అధికారులపై మంత్రి జూపల్లి క్రిష్ణారావ్ ఆగ్రహం వ్యక్తంచేశారు. శనివారం భువనగిరి మండలం బండసోమారం గ్రామంలో చేపడుతున్న గ్రామీణ ఉపాధి హామి పనులను ఆయన పరిశీలించారు. అనంతరం ప్రజాప్రతినిధులు, జిల్లా స్థాయి అధికారులతో నిర్వహించిన సమీక్షా సమావేశంలో మంత్రి మాట్లాడుతు ఇజిఎస్ నిధులను ఉపయోగించని అధికారులపై చర్యలు తప్పవని హెచ్చరించారు.

నార్కట్‌పల్లి, జనవరి 21: చెర్వుగట్టు పార్వతీ జడల రామలింగేశ్వరస్వామి బ్రహ్మోత్సవాలను అత్యంత వైభవంగా నిర్వహించేందుకు దేవాదాయ శాఖ అధికారులతో కలసి అన్ని ప్రభుత్వ శాఖల అధికారులు సమన్వయంతో పనిచేయాలని జిల్లా కలెక్టర్ గౌరవ్ ఉప్పల్ ఆదేశించారు. శనివారం చెర్వుగట్టు పుణ్యక్షేత్రాన్ని సందర్శించిన అనంతరం బ్రహ్మోత్సవాల నిర్వహణపై సుమారు రెండు గంటల పాటు సమగ్రంగా సమీక్షించి పలు సూచనలు అందించారు.

గుత్తి, జనవరి 21 : గుత్తి రైల్వే జిఆర్‌పి పోలీసు స్టేషన్ పరిధిలోని బసినేపల్లి పెద్దవంక సమీపంలో శనివారం తెల్లవారుజామున వెంకటాద్రి ఎక్స్‌ప్రెస్ రైల్లో చోరీ జరిగింది. ఈ ఘటన లో ఎస్1 బోగిలో ప్రయాణిస్తున్న కే శమ్మ మెడలో నుంచి రెండున్నర తు లాల బంగారు చైన్ అపహరించుకుపోయారు. ఈమేరకు బాధితురాలు కేశమ్మ తిరుపతి జిఆర్‌పి పోలీసు స్టే షన్‌లో ఫిర్యాదు చేశారు.