నల్లగొండ, జనవరి 20: పులిచింతల ప్రాజెక్టులో కనీస నీటిమట్టం మేరకు జలాలు ఉండేలా చూడటంలో ఆంధ్రప్రదేశ్ ప్రభుత్వం విఫలమవుతోంది. ఆ ప్రాజెక్టులో కనీసమట్టం మేరకు నీరు లేకపోతే తెలంగాణ పరిధిలోని ఎత్తిపోతల పథకాల మోటార్లు పనిచేయవు. అందువల్ల ఈ ప్రాంత పరిథిలోని ఆయకట్టు రైతులు పంటలు నష్టపోతున్నారు.

టేక్మాల్, జనవరి 20: ప్రభుత్వం అమలు చేస్తున్న మధ్యాహ్న భోజన పథకం అమలులో అధికారులు, సిబ్బంది నిర్లక్ష్యం వహిస్తూండటంతో విద్యార్థులు అవస్థ పడుతున్నారు. హాస్టళ్లు, మధ్యాహ్న భోజన పథకానికి సన్నబియ్యం ఇస్తున్న రాష్ట్ర ప్రభుత్వ సంకల్పం నిర్వహణ లోపంతో భ్రష్టపడుతోంది. టేక్మాల్ మండలంలోని బర్దీపూర్ పాఠశాలలో మధ్యాహ్న భోజన పథకంకోసం వాడుతున్న బియ్యం పురుగులు పట్టి రంగుమారాయి. నాలుగు నెలలుగా అదే పరిస్థితి.

వరంగల్, జనవరి 20: ఎన్నికల సమయంలో కొందరు అభ్యర్థులు ఇచ్చే హామీలు, చేసే ప్రమాణాలను ఎన్నికయిన తరువాత అమలు చేయకుంటే దానికి ఎన్నికల సంఘం జవాబుదారీ కాదని రాష్ట్ర ఎన్నికల అధికారి భన్వర్‌లాల్ తెలిపారు. రాజ్యాంగం, నిబంధనలు నిర్దేశించిన మేరకు ఎన్నికలు నిర్వహించటమే తమ పని అని స్పష్టం చేశారు. ఆధార్ కార్డు మాదిరిగా దేశంలోని ప్రతి ఒక్కరికి సిటిజన్ కార్డు జారీ చేయాలనే ఆలోచన ప్రభుత్వ పరిశీలనలో ఉందని చెప్పారు.

నెల్లూరు, జనవరి 20: నెల్లూరు శివారులో మైపాడు రోడ్డులో ఒక ప్రైవేటు కార్పొరేట్ బ్యాంకుకు చెందిన ఎటిఎం కార్డులు గుట్టలుగుట్టలుగా పడి ఉండడం కలకలం రేపింది. నెల్లూరు - మైపాడు రహదారిలో మూడో మైలు రాయి వద్ద ఐసిఐసిఐ బ్యాంకుకు చెందిన భారీ సంఖ్యలో రూపే కార్డుల గుట్టను శుక్రవారం సాయంత్రం స్థానికులు గమనించారు. ఈ వార్త దావానంలా వ్యాపించడంతో జనం గుమికూడారు.