విజయవాడ, జనవరి 20: ఎన్‌టిఆర్ విదేశీ విద్యాదరణ పథకం కింద విదేశాలలో ఉన్నత విద్యను అభ్యసించడానికి రాష్ట్ర ప్రభుత్వం లక్షలాది రూపాయల మంజూరు చేసి వేలాది మంది విద్యార్థులకు సహాయం అందిస్తున్నామని బిసి సంక్షేమశాఖ మంత్రి కొల్లు రవీంద్ర చెప్పారు. పొట్టిశ్రీరాములు ఇంజనీరింగ్ కాలేజీలో ఎన్‌టిఆర్ విదేశీ విద్యాదరణ పథకం కింద అర్హులైన విద్యార్థులతో ఏర్పాటు చేసిన సమావేశంలో మంత్రి ప్రసంగించారు.

హైదరాబాద్, జనవరి 20: అనుకున్న స్థాయిలో లక్ష్యాలు సాధించ లేకపోతున్నామని, తమ ఆరాటానికి, జరుగుతున్న ఆవిష్కరణలకు మధ్య కొంత వెలితి ఉందని, అయినప్పటికీ ఇప్పుడిప్పుడే అనుకున్న మేరకు పని చేయగలుగుతున్నామని తెలంగాణ ఆర్థిక మంత్రి ఈటల రాజేందర్ తెలిపారు. శుక్రవారం జరిగిన స్టేట్ క్రెడిట్ సెమినార్‌కు ఈటలతో పాటు రాష్ట్ర వ్యవసాయ శాఖ మంత్రి పోచారం శ్రీనివాస్‌రెడ్డి హాజరయ్యారు.

హైదరాబాద్, జనవరి 20: మాజీ సైనికుల సంక్షేమం కోసం త్వరలో ప్రత్యేక నిధిని ఏర్పాటు చేయనున్నట్టు ముఖ్యమంత్రి కె.చంద్రశేఖర్‌రావు తెలిపారు. మరే రాష్ట్రంలో లేనివిధంగా మాజీ సైనికుల సంక్షేమం కోసం తమ ప్రభుత్వం చర్యలు తీసుకుంటుందన్నారు. మాజీ సైనికుల సంక్షేమం కోసం తెరాస ప్రభుత్వం తీసుకుంటున్న చర్యలను అసెంబ్లీలో కెసిఆర్ ప్రకటించిన విషయం తెలిసిందే.

న్యూఢిల్లీ, జనవరి 20: జల్లికట్టుపై తీర్పును వారం వరకూ ఇవ్వొద్దన్న కేంద్రం విజ్ఞప్తిని సుప్రీం కోర్టు అంగీకరించింది. పిటిషన్లపై విచారణలను వారంపాటు వాయిదా వేసింది. జస్టిస్ దీపక్ మిశ్రా, జస్టిస్ ఆర్ భానుమతితో కూడిన ద్విసభ్య ధర్మాసనం ముందు అటార్నీ జనరల్ ముకుల్ రోహిత్గి ఈ అంశంపై వాదనలు వినిపించారు.