గుంటూరు, జనవరి 23: రాష్ట్రంలో ప్రతి ఒక్కరికీ ఆధునిక సాంకేతిక పరిజ్ఞానంతో కూడిన వైద్యం అందించి ఆరోగ్యాంధ్రప్రదేశ్‌గా తీర్చిదిద్దాలనే సంకల్పంతో ప్రభుత్వం ఉందని రాష్ట్ర సమాచార, పౌరసరఫరాల శాఖ మంత్రి పల్లె రఘునాధరెడ్డి అన్నారు. గుంటూరు సమగ్ర ప్రభుత్వ వైద్యశాలలో మోకీలు శస్త్ర చికిత్స చేయించుకున్న మంత్రి కామినేని శ్రీనివాస్‌ను శనివారం పరామర్శించిన మంత్రి పల్లె విలేఖరుల సమావేశంలో మాట్లాడారు.

వరంగల్, జనవరి 23: దేశ వ్యాప్తంగా ప్రసిద్ధిగాంచిన మేడారం జాతరను జాతీయ పండుగగా గుర్తించాలని నిజామాబాద్ ఎంపి కల్వకుంట్ల కవిత విజ్ఞప్తి చేశారు. శనివారం వరంగల్‌లో ఏర్పాటు చేసిన విలేఖరుల సమావేశంలో మాట్లాడుతూ మేడారం జాతరకు కేంద్ర గిరిజన శాఖ మంత్రి జువేల్ ఓరాయ్‌ని ఆహ్వానిస్తున్నట్లు ఆమె తెలిపారు. రాష్ట్ర ప్రభుత్వం మేడారం జాతరను ప్రతిష్టాత్మకంగా తీసుకుందని ఆమె తెలిపారు.

విజయనగరం, జనవరి 23: జిల్లాలో చేపట్టిన వ్యవసాయయాభివృద్ధి పనులు ఫిబ్రవరి నెలఖారులోగా పూర్తిచేయాలని కలెక్టర్ ఎంఎం నాయక్ మండలస్థాయి వ్యవసాయాధికారులను ఆదేశించారు. ఆర్థిక సంవత్సరం ముగియడానికి తక్కువ వ్యవధి ఉన్న కారణంగా లక్ష్యాలను పూర్తిచేసేందుకు చర్యలు చేపట్టాలని తెలిపారు.

మాయలోళ్ళు
ఆంధ్రభూమి బ్యూరో-శ్రీకాకుళం