మద్దిపాడు, డిసెంబర్ 17: ప్రకాశం జిల్లా మద్దిపాడు పోలీస్ స్టేషన్ లో రైటర్ గా పనిచేస్తున్న వీర్రరాజు విజయవాడకు చెందిన ఎన్‌హెచ్‌బి ట్రాన్స్‌పోర్టుకు చెందిన మేనేజర్ కరీంఖాన్ వద్ద నుండి 5వేల రూపాయలు లంచం తీసుకుంటుండగా ఎసిబి అధికారులు మంగళవారం నాడు రెడ్ హ్యాండెడ్‌గా పట్టుకున్నారు.

విజయవాడ (క్రైం), డిసెంబర్ 16: తెలుగుదేశం పార్టీ జాతీయ కార్యాలయం నిర్మించిన స్థలం ఆక్రమిత స్థలం అంటూ రాష్ట్ర అత్యున్నత న్యాయస్ధానంలో పిటిషన్ దాఖలైంది. మంగళగిరి ఎమ్మెల్యే ఆళ్ళ రామకృష్ణారెడ్డి దాఖలు చేసిన ప్రజా ప్రయోజనాల వ్యాజ్యంపై సోమవారం కోర్టు విచారణ చేపట్టింది. పిటిషన్‌పై విచారణ అనంతరం మంగళగిరిలోని టీడీపీ జాతీయ కార్యాలయం నిర్మాణంపై నోటీసులు జారీ చేయాలని ఆదేశించింది.

ఆదిలాబాద్: సంచలనం రేపిన సమత హత్యాచార ఘటనలో సత్వర న్యాయం అందించే ‘దిశ’గా అడుగులు పడుతున్నాయి. లింగాపూర్ మండలం ఎల్లాపటార్ అటవీ ప్రాంతంలో చిరువ్యాపారం సాగించే సమతపై ముగ్గురు నిందితులు గత నెల 24న సామూహికంగా అత్యాచారం చేసి కిరాతకంగా హతమార్చిన ఘటన నేపథ్యంలో పోలీసులు నిందితులైన షేక్‌బాబా, షేక్ షాబొద్దీన్, షేక్ ముగ్దుమ్‌లను అరెస్ట్ చేసి రిమాండ్‌కు తరలించిన విషయం విదితమే.

చందర్లపాడు, డిసెంబర్ 16: భార్యపై అనుమానంతో కట్టుకున్న భర్త గొంతు పిసికి భార్యను చంపేశాడు. ఈ సంఘటన మండలంలోని కొడవటికల్లులో సోమవారం జరిగింది. సేకరించిన సమాచారం ప్రకారం రాచబంటి ప్రసాద్ (40)కు, పున్నవల్లికి చెందిన పోరుగంటి పద్మావతి (30)తో వివాహం జరిగింది. కొద్ది కాలంగా భార్యపై అనుమానం పెంచుకున్న ప్రసాద్ సోమవారం ఉదయం పద్మావతిని గొంతు పిసికి చంపాడు.