జి.కొండూరు, డిసెంబర్ 14: గూడ్స్ రైలు టిప్పరును ఢీకొట్టిన సంఘటన మండల పరిధిలోని గడ్డమణుగు లోయలో చెరువుమాధవరం రైల్వేస్టేషను పరిధిలో శనివారం ఉదయం జరిగింది. సేకరించిన సమాచారం ప్రకారం కాపలా లేని రైల్వే లెవల్ క్రాసింగ్ వద్ద టిప్పరును హిందూస్తాన్ పెట్రోలియం కార్పోరేషన్‌కు పెట్రో ఉత్పత్తులు రవాణా చేసే గూడ్స్ రైలు ఢీకొట్టింది. టిప్పరులోని క్లీనరుకు స్పల్పగాయాలయ్యాయి. టిప్పరు పాక్షికంగా దెబ్బతింది.

కీసర, డిసెంబర్ 14: లారీని, ద్విచక్ర వాహనం ఢీకొన్న ఘటనలో తల్లి, కొడుకు మృతి చెందిన సంఘటన కీసర పోలీస్ స్టేషన్ పరిధిలో శనివారం చోటు చేసుకుంది. పోలీసుల కథనం ప్రకారం యాదాద్రి భువనగిరి జిల్లా, బొమ్మల రామారం మండలం, తిమ్మాపూర్ గ్రామానికి చెందిన బొందెల ఉపేందర్ (19) తల్లి లక్ష్మీ (46), తండ్రి సత్తయ్యలతో కలిసి ద్విచక్ర వాహనంపై కీసర మీదుగా తిమ్మాపూర్ వెళుతున్నాడు.

జీడిమెట్ల, డిసెంబర్ 12: అవినీతి నిరోధక శాఖ అధికారుల వలలో మరో అవినీతి చేప పడింది. రూ.5 వేలు లంచం తీసుకుంటూ విద్యుత్ డీఈ ప్రసాద్‌రావు ఏసీబీ అధికారులకు చిక్కాడు. వివరాల్లోకి వెళితే.. కొంపల్లి సర్వేనంబరు 66లో నాన్ డొమెస్టిక్ నిర్మాణం జరుగుతుంది. అందులో ఓ ట్రాన్స్‌ఫార్మర్, అండర్ గ్రౌండ్ కేబుల్ వేసేందుకు బాలనర్సింహ సబ్ కాంట్రాక్ట్ తీసుకున్నాడు.

హైదరాబాద్, డిసెంబర్ 12: దిశ కేసులో నిందితుల మృతదేహాలను వారి కుటుంబ సభ్యులకు అప్పగించే అంశంపై సుప్రీంకోర్టును సంప్రదించాలని అడ్వకేట్ జనరల్‌ను రాష్ట్ర హైకోర్టు గురువారం నాడు ఆదేశించింది. దిశ కేసులో నిందితుల ఎన్‌కౌంటర్‌పై విచారణ జరగాలని, బాధిత కుటుంబాలకు పరిహారం చెల్లించేలా ప్రభుత్వాన్ని ఆదేశించాలని కోరుతూ దాఖలైన పిటిషన్లపై హైకోర్టు గురువారం ఉదయం విచారణ ప్రారంభించింది.