ఉప్పల్, డిసెంబర్ 4: డ్రైవర్ నిర్లక్ష్యం డ్రైవింగ్‌కు నిండు ప్రాణం బలైంది. అతివేగంగా వచ్చిన ఆర్టీసీ బస్సు.. బైక్‌ను ఢీకొనడంతో డిగ్రీ ఫస్టయిర్ చదువుతున్న విద్యార్థి దుర్మణం చెందారు. స్థానికులు ఆగ్రహించి బస్సుపై దాడి చేసి అద్దాలు ధ్వంసం చేశారు. సంఘటన బుధవారం ఉప్పల్ పోలీసు స్టేషన్ పరిధిలో జరిగింది.

కాసరగోడ్, డిసెంబర్ 4: నాలుగేళ్ల చిన్నారిపై లైంగిక అత్యాచారానికి పాల్పడిన 46 ఏళ్ల వ్యక్తికి ఇక్కడి సెషన్స్ కోర్టు బుధవారం యావజ్జీవ కారాగార శిక్ష విధించింది. ముద్దాయి సహజ మరణం పొందేంత వరకు కారాగార శిక్ష అనుభవించాలని సెషన్స్ కోర్టు జడ్జి పీఎస్ శశికుమార్ తీర్పు చెప్పారు. అలాగే ముద్దాయి వీఎస్ రవీంద్రన్ రూ. 25వేల జరిమానా చెల్లించాలని కూడా జడ్జి తన తీర్పులో ఆదేశించారు.

ఖమ్మం: తెలంగాణ రాష్ట్రానికి సరిహద్దులో ఉన్న పోలీస్ బెటాలియన్‌లో ఐదుగురు జవాన్లను కాల్చి చంపిన ఒక జవాన్ తాను కూడా ఆత్మహత్య చేసుకున్నాడు. ఈ కాల్పుల్లో మరో ఇద్దరికి తీవ్ర గాయాలయ్యాయి. చత్తీస్‌గఢ్ రాష్ట్రంలోని కడేనార్‌లో ఉన్న ఇండో టిబెటన్ బోర్డర్ సెక్యూరిటీ ఫోర్స్ జవాన్ల మధ్య బుధవారం వివాదం చెలరేగింది. ఈ వివాదంలో రహ్మన్‌ఖాన్ అనే జవాన్ తన సహచర జవాన్లు ఐదుగురిని కాల్చడంతో వారు అక్కడిక్కడే మరణించారు.

న్యూఢిల్లీ: శబరిమల ఆలయంలోకి వెళ్ళేందుకు ప్రయత్నించి అక్కడి అధికారులు అడ్డుకోవడంతో వెనుదిరిగిన ఓ మహిళ దాఖలు చేసిన పిటిషన్‌ను సుప్రీం కోర్టు వచ్చే వారం విచారణకు స్వీకరించనున్నది. వయస్సుతో సంబంధం లేకుండా మహిళలు ఎవరైనా శబరిమల ఆలయానికి వెళ్ళవచ్చన్న సుప్రీం కోర్టు ఆదేశాలను కేరళ పోలీసులు, ఆలయ అధికారులు పట్టించుకోవడం లేదని ఆరోపిస్తూ బిందు అమ్మినీ అనే మహిళ సుప్రీం కోర్టును ఆశ్రయించింది.