శింబు, నయనతార జంటగా ఆండ్రియా, ఆదాశర్మ క్రేజీ కాంబినేషన్‌లో జేసన్‌రాజ్ ఫిలింస్ పతాకంపై పాండీరాజ్ దర్శకత్వంలో రూపొందించిన చితం ‘సరసుడు’. ఈ చిత్రాన్ని అన్ని కార్యక్రమాలు పూర్తిచేసి సెప్టెంబర్ 8న విడుదల చేయడానికి సన్నాహాలు చేస్తున్నారు.

శేఖర్ కమ్ముల దర్శకత్వంలో వచ్చిన ఫిదా సినిమాతో తెలుగు ప్రేక్షకులను ఫిదా చేసింది సాయి పల్లవి. ప్రేమమ్ సినిమాతో కెరీర్ మొదలుపెట్టిన ఆమె తొలి సినిమాతోనే క్రేజ్ తెచ్చుకుంది. ఇక ఫిదా సినిమాతో సాయిపల్లవికి టాలీవుడ్‌లో సూపర్ క్రేజ్ వచ్చేసింది. ఈ సినిమా పూర్తవకముందే రెండు సినిమాలను తన ఖాతాలో వేసుకుంది. అయితే ఆమె తాజాగా ఓ హర్రర్ సినిమాలో నటించేందుకు ఓకే చెప్పడం విశేషం.

తమిళ స్టార్ హీరో అజిత్ నటిస్తున్న వివేకం చిత్రం కోసం అభిమానులంతా ఆసక్తిగా ఎదురుచూస్తున్నారు. తెలుగు, తమిళ భాషల్లో ఈ చిత్రం ఆగస్టు 24న విడుదల కానుంది. తెలుగులో ఈ చిత్రం సెన్సార్ కార్యక్రమాలను పూర్తిచేసుకుంది. ఈ చిత్రానికి యు సర్ట్ఫికెట్‌ని జారీ చేశారు. భారీ బడ్జెట్‌తో ఈ చిత్రం యాక్షన్ థ్రిల్లర్‌గా రూపొందింది. కాజల్ అగర్వాల్, అక్షర హాసన్‌లు ఈ చిత్రంలో హీరోయిన్లుగా నటించారు.

బాహుబలి సంచలన విజయం తరువాత ప్రభాస్ నటిస్తున్న తాజా చిత్రం సాహో. రన్ రాజా రన్ ఫేం సుజిత్ దర్శకత్వంలో తెరకెక్కుతున్న భారీ చిత్రం ప్రస్తుతం యూరప్‌లో షూటింగ్ జరుపుకుంటోంది. గత కొన్ని రోజులుగా బాలీవుడ్ నటుడు నీల్ నితిన్ ముఖేష్‌కి సంబంధించిన సన్నివేశాల్ని చిత్రీకరిస్తున్నారు. తాజాగా శుక్రవారం నుంచి ప్రభాస్ షూటింగ్‌లో జాయిన్ అయ్యాడు.