న్యూఢిల్లీ: లోకసభలో అవిశ్వాస తీర్మానంపై చర్చ జరుగుతున్న సమయంలో ఆసక్తికరమైన విషయం బయటపడింది. కాంగ్రెస్ పార్టీ అధ్యక్షుడు రాహుల్‌గాంధీ మాట్లాడుతూ మోదీపై తీవ్ర విమర్శలు గుప్పించారు. రాఫెల్ ఒప్పందం దగ్గర నుంచి పెద్ద నోట్లు రద్దు, జీఎస్టీ పన్ను వరకు మోదీని టార్గెట్ చేస్తూ రాహుల్ ప్రసంగించారు. రాహుల్ తన ప్రసంగం చివరలో ‘‘మీరు నన్ను పప్పు అన్నా మిమ్మల్ని ద్వేషించను’’ అని తన ప్రసంగాన్ని ముగించారు.

న్యూఢిల్లీ: విభజన సమయంలో కాంగ్రెస్ పార్టీ హామీలు ఇస్తే ఇపుడు బీజేపీపైనా అవిశ్వాస తీర్మానం ప్రవేశపెట్టిది అని బీజీపీ ఎంపీ రాకేశ్ సింగ్ ప్రశ్నించారు. మిమ్మల్ని మోసం చేసిన కాంగ్రెస్‌తో కలిసి వెళుతున్నారు. ఈ విషయం కుమారస్వామి ప్రమాణస్వీకారం రోజునే వెల్లడయిందని అన్నారు. కాంగ్రెస్, తెలుగుదేశం పార్టీల సాన్నిహిత్యాన్ని లోకం చూస్తుందని విమర్శించారు.

న్యూఢిల్లీ: ఏపీకి కేంద్రం ఇచ్చిన హామీలను విస్మరించిందని టీడీపీ ఎంపీ గల్లా జయదేవ్ విమర్శించారు. ఆయన లోకసభలో అవిశ్వాసంపై మాట్లాడుతూ..తలుపులు మూసి మరీ రాష్ట్రాన్ని విభజించిన విషయాన్ని ఆయన మరోసారి గుర్తుచేశారు. ఇకనైనా కేంద్రం తమకు ఇచ్చిన హామీలపై నిలబడాలని కోరారు. విభజన పాపం కాంగ్రెస్‌దే కాదు బీజేపీది కూడా అని విమర్శించారు. విభజనతో 90 సంస్థలు తెలంగాణలోనే ఉండిపోయాయని అన్నారు.

న్యూఢిల్లీ: సభ ప్రారంభంకాగానే కాంగ్రెస్ పార్టీ ప్రతిపక్షనాయకుడు ఖర్గే తమకు సమయం సరిపోదని మాట్లాడుతుండగా.. తనకు మైక్ కావాలని తీసుకున్నారు. ఆపై ఆయన మాట్లాడుతూ తమకు కేంద్రం చాలా అన్యాయం చేసిందని, కేంద్ర వైఖరికి నిరసనగా తాము వాకౌట్ చేస్తున్నామని చెప్పి వెళ్లిపోయారు.