వారణాసి, మార్చి 4: హిందువులకు పవిత్ర పుణ్యక్షేత్రమైన వారణాసి శనివారం ఎన్నికల నినాదాలు, రోడ్‌షోలతో హోరెత్తిపోయంది. ప్రధాని నరేద్ర మోదీకి సొంత నియోజకవర్గం వారణాసిలో ప్రజలు ఘన స్వాగతం పలికారు. యూపీ అసెంబ్లీ ఎన్నికల ప్రచారం నిమిత్తం శనివారం ఆయన ఇక్కడకు చేరుకున్నారు. ప్రధాని మోదీ రోడ్‌షోకు అనూహ్య స్పందన కనిపించింది. బిజెపి కార్యకర్తలు, పార్టీ అభిమానులు, ప్రజలు జేజేలు పలికారు.

ముంబై, మార్చి 4: ముంబై మేయర్ పదవి శివసేనకే దక్కనుంది. ఇటీవల జరిగిన మేయర్ ఎన్నికల్లో బిజెపి, శివసేన రెండు సీట్ల తేడాతో సీట్లు గెలుచుకున్న సంగతి తెలిసిందే. దేశంలోనే అత్యంత సంపన్నమైన మున్సిపల్ కార్పొరేషన్ అయిన ముంబైలో హోరాహోరీగా ఎన్నికలు జరిగాయ. ఈ ఎన్నికల్లో విడివిడిగా పోటీ చేసిన శివసేన 84 సీట్లు గెలుచుకుని అతి పెద్ద పార్టీగా అవతరిస్తే 82 సీట్లు గెలుచుకున్న బిజెపి రెండోస్థానంలో నిలిచింది.

న్యూఢిల్లీ, మార్చి 4: ఉత్తరప్రదేశ్ సహా అసెంబ్లీ ఎన్నికలు జరుగుతున్న అయిదు రాష్ట్రాల్లో ఎగ్జిట్‌పోల్స్ ప్రసారం, ప్రచురణలపై నిషేధాన్ని మార్చి 9వరకు పొడిగిస్తున్నట్లు కేంద్ర ఎన్నికల సంఘం శనివారం ప్రకటించింది.

న్యూఢిల్లీ, మార్చి 4: సిజిఎస్‌టి, ఐజిఎస్‌టి విషయంలో కేంద్రం రాష్ట్రాల మధ్య పూర్తి అవగాహన కుదిరింది రాష్ట్ర ఆర్థిక మంత్రి ఈటల రాజేందర్ వెల్లడించారు. ఇకమీదట రాష్ట్రాల్లో చెక్ పోస్టులు ఉండవని, దేశవ్యాప్తంగా ఈ-వే బిల్ వ్యవస్థ అమల్లోకి రాబోతోందన్నారు. శనివారం కుదిరిన అవగాహన మేరకు సరుకుల గుర్తింపు, ధరలు, పరిమాణం తదితర వివరాల తనిఖీ అధికారం రాష్ట్రాలకే ఉంటుందన్నారు.