ఆగ్రా: బ్రిటన్ రాకుమారుడు విలియం, ఆయన భార్య కేట్ మిడిల్టన్ ఈనెల 16న ఇక్కడి తాజ్‌మహల్‌ను సందర్శించేందుకు వస్తున్నందున పోలీసులు భారీగా భద్రతా ఏర్పాట్లు చేస్తున్నారు. ఐఎస్‌ఐఎస్ తీవ్రవాద సంస్థకు సానుకూలంగా ఉంటున్న పాక్, ఇరాన్, ఇరాక్, టర్కీ దేశాలకు చెందిన వారికి ఇక్కడి హోటళ్లలో గదులు ఇవ్వరాదంటూ నిషేధాజ్ఞలు విధించారు. ఆగ్రా పరిసర ప్రాంతాల్లో క్షుణ్ణంగా సోదాలు చేస్తున్నారు.

ముంబయి: తీవ్ర దుర్భిక్ష పరిస్థితులు నెలకొన్న మరట్వాడా ప్రాంతంలోని లాతూరుకు మంగళవారం ఉదయం నీటి రైలు చేరుకుంది. సుమారు 300 కిలోమీటర్ల దూరంలోని మిరాజ్ రైల్వే స్టేషన్ నుంచి పది వ్యాగన్లలో ఏభై లక్షల లీటర్ల నీటిని తొలివిడతగా లాతూరుకు అధికారులు తరలించారు. ఏభై వ్యాగన్ల ద్వారా నీటిని తరలించాలని ప్రతిపాదించినా దూరం ఎక్కువ కావడంతో పది వ్యాగన్లకే పరిమితం చేశారు.

తిరువనంతపురం, ఏప్రిల్ 11: ఎక్కడ చూసినా శవాలు.. పోస్ట్‌మార్టమ్ పూర్తయి పక్కనపెట్టిన మృతదేహాలను గుర్తించి తీసుకువెళ్లటానికి వచ్చిన బంధువుల రోదనలు.. పక్కన ఉన్న వార్డులకు వెళ్తే ప్రతి మంచంపైనా క్షతగాక్షత్రులే.. ఒకటి కాదు.. రెండు కాదు.. తిరువనంతపురంలోని వేర్వేరు ఆసుపత్రుల్లో సోమవారం కనిపించిన దృశ్యాలివి.

న్యూఢిల్లీ, ఏప్రిల్ 11: ఈ వర్షాకాలం అన్నదాతలకు తీపికబురే తీసుకురానుంది. రెండేళ్లతో పోలిస్తే ఈ సంవత్సరం సమృద్ధిగానే వర్షాలు కురుస్తాయని కేంద్రం వెల్లడించింది. దాదాపు రెండేళ్లపాటు మన దేశాన్ని తక్కువ వర్షపాతంతో రైతులు ఎదుర్కొన్న ఇబ్బందులు ఈ ఏడాది ఉండవని సోమవారం తెలిపింది. ఈ సంవత్సరం వర్షపాతం సంతృప్తికర స్థాయిలో నమోదవుతుందని కేంద్ర వ్యవసాయ శాఖ కార్యదర్శి శోభనా కె పట్నాయక్ సోమవారం తెలిపారు.