న్యూఢిల్లీ, జనవరి 27: ఢిల్లీ, బెంగళూరు విమానాశ్రయాలకు బుధవారం స్వల్ప వ్యవధిలో నాలుగు బాంబు బెదిరింపు ఫోన్‌లు రావడంతో అధికారులు అప్రమత్తమయ్యారు. రెండు అంతర్జాతీయ విమానాలు సహా మొత్తం మూడు విమానాలను నిలిపివేశారు. ఢిల్లీ నుంచి ఖాట్మండు వెళ్లాల్సిన ఎయిర్ ఇండియా, జెట్ ఎయిర్‌వేస్ విమానాలను ఇందిరాగాంధీ అంతర్జాతీయ విమానాశ్రయంలో బయలు దేరడానికి కొద్ది వ్యవధి ముందే నిలిపివేశారు.

న్యూఢిల్లీ / జైపూర్, జనవరి 27: గణతంత్ర దినోత్సవం రోజు భారత గగనతలంపైకి వచ్చిన అనుమానాస్పద బెలూన్ గుట్టు బయటపడింది. అది అమెరికాలో తయారైన బెలూన్ అనీ, పాకిస్తాన్ మీదుగా భారత్ గగనతలంలోకి వచ్చిందని ఉన్నతస్థాయి అధికార వర్గాలు బుధవారం స్పష్టం చేశాయి. ఈ ఘటనకు సంబంధించిన సమాచారాన్ని రక్షణ శాఖ వర్గాలు విదేశాంగ శాఖకు సమాచారాన్ని అందించాయి.

ఇటానగర్, జనవరి 27: అరుణాచల్‌ప్రదేశ్‌లో కేంద్రం రాష్టప్రతి పాలన విధించిన తర్వాత రాష్ట్ర గవర్నర్ జ్యోతి ప్రసాద్ రాజ్‌ఖోవా పరిపాలనా పగ్గాలు తన చేతుల్లోకి తీసుకోవడమే కాకుండా శాసనసభ్యులకు వారికి దక్కాల్సిన భద్రతను కల్పించడం జరుగుతుందని హామీ ఇచ్చారు. మంగళవారం సాయంత్రం గవర్నర్ ఉన్నతాధికారులతో సమావేశమై రాష్ట్రంలో శాంతిభద్రతల సమస్య లేకుండా చూడాలని వారికి సలహా ఇచ్చారు.

న్యూఢిల్లీ, జనవరి 27: అరుణాచల్‌ప్రదేశ్‌లో రాష్టప్రతి పాలన విధించడాన్ని తీవ్రంగా పరిగణించిన సుప్రీంకోర్టు బుధవారం కేంద్ర ప్రభుత్వానికి, ఆ రాష్ట్ర గవర్నర్‌కు నోటీసులు జారీ చేసింది. అరుణాచల్‌ప్రదేశ్‌లో నెలకొన్న రాజ్యాంగ సంక్షోభంపై జారీ చేసిన తన నోటీసులో ఈ నెల 29వ తేదీలోగా సమాధానం ఇవ్వాలని సుప్రీంకోర్టు కేంద్ర ప్రభుత్వాన్ని, గవర్నర్ ఆదేశించింది.