న్యూఢిల్లీ, జనవరి 28: ప్రపంచంలోని అత్యంత సంపన్నులయిన 50 మందిలో ముగ్గురు భారతీయులు- ముకేశ్ అంబానీ, అజీం ప్రేమ్‌జీ, దిలీప్ శాంఘ్వీ నిలిచారు. అమెరికాకు చెందిన ఐటి దిగ్గజం బిల్‌గేట్స్ అగ్రస్థానాన్ని ఆక్రమించారు. బిజినెస్ ఇన్‌సైడర్‌తో కలిసి వెల్త్-ఎక్స్ రూపొందించిన ప్రపంచంలోని అత్యంత సంపన్నుల జాబితాలో 24.8 బిలియన్ డాలర్ల ఆస్తులతో ముకేశ్ అంబానీ 27వ స్థానంలో నిలిచారు.

న్యూఢిల్లీ, జనవరి 28: తన సుదీర్ఘ రాజకీయ ప్రస్థానంలో ఎన్నో ఆటుపోట్లు ఎదుర్కోవడమే కాక మరెన్నో పదవులు నిర్వహించిన రాష్టప్రతి ప్రణబ్ ముఖర్జీ తన అనుభవాలకు అక్షర రూపం కల్పించారు. అయోధ్య వివాదం మొదలుకొని తాను ప్రధాని కావాలని అనుకున్నట్లు వచ్చిన దుష్ప్రచారం దాకా ఎన్నో అంశాలపై తన మనసులోని మాటను ఆయన తన తాజా పుస్తకంలో తెలియజేశారు.

న్యూఢిల్లీ, జనవరి 28: హైదరాబాద్ కేంద్రీయ విశ్వవిద్యాలయం రీసెర్చి స్కాలర్ వేముల రోహిత్ ఆత్మహత్యపై సమగ్ర దర్యాప్తు నిర్వహించేందుకు అలహాబాద్ హైకోర్టు మాజీ న్యాయమూర్తి జస్టిస్ అశోక్‌కుమార్ రూపన్‌వాలా సారథ్యంలో ఏకసభ్య కమిషన్‌ను కేంద్ర మానవ వనరుల మంత్రిత్వశాఖ నియమించింది. రోహిత్ ఆత్మహత్య కారణాలతో పాటు వరుసగా జరిగిన సంఘటనలు, దేశవ్యాప్తంగా చెలరేగిన ఆందోళనలపై కూడా జస్టిస్ అశోక్ కుమార్ విచారణ జరుపుతారు.

పాట్నా : బీహార్‌ ముఖ్యమంత్రి నితీశ్‌కుమార్‌ పాట్నా జిల్లాలోని తన స్వగ్రామమైన భక్తియార్‌పూర్‌లో ఓ శుభకార్యంలో పాల్గొనేందుకు వచ్చారు. నితీశ్‌పై పి.కె.రాయ్‌ అనే వ్యక్తి పాదరక్ష విసిరినట్లు పోలీసు అధికారి మను మహరాజ్‌ వెల్లడించారు. అయితే ఆ చెప్పు సభావేదిక దగ్గరే పడిందని.. వెంటనే నిందితుడ్ని అరెస్టుచేసినట్లు తెలిపారు.