బెంగళూరు, జనవరి 29: బెంగళూరులోని చర్చ్ స్ట్రీట్ పేలుళ్ల కేసు దర్యాప్తులో ఎట్టకేలకు దర్యాప్తు అధికారులు పురోగతి సాధించారు. పేలుళ్ల కేసులో ప్రధాన నిందితుడైన మొహమ్మద్ రఫీక్ అలియాస్ జావీద్ అలియాస్ ఆలం జెబ్ అఫ్రిదీని జాతీయ దర్యాప్తు సంస్థ శుక్రవారం అరెస్టు చేసింది.

న్యూఢిల్లీ :భారత వనే్డ క్రికెట్ కెప్టెన్ మహేంద్రసింగ్ ధోనికి సుప్రీం కోర్టులో ఊరట లభించింది. మ్యాగ్‌జైన్ కవర్ పేజీ వివాదంపై ఆంధ్రప్రదేశ్‌లోని అనంతపురం కోర్టులో జరుగుతున్న విచారణపై సుప్రీం కోర్టు స్టే విధించింది. కేసును అనంతపురం నుంచి బెంగుళూరుకు బదిలీ చేయాలని చేసిన విజ్ఞప్తిపై వివరణ ఇవ్వాల్సిందిగా పోలీసులను ఆదేశించింది.

జైపూర్: రాజస్థాన్ రాజధాని జైపూర్‌తోపాటు మరికొన్ని జిల్లాల్లో శుక్రవారం తెల్లవారుజామున భూప్రకంపనలు సంభవించాయి. ఒక్కసారి భూమి కంపించి ఇళ్లలోని సామాన్లు చల్లాచెదురు కావడంతో జనం భయాందోళనలకు లోనయ్యారు. రిక్టర్ స్కేల్‌పై దీని తీవ్రత 3.8గా నమోదైందని, ఎక్కడా ఆస్తి నష్టం, ప్రాణ నష్టం జరగలేదని అధికారులు తెలిపారు.

న్యూఢిల్లీ, జనవరి 28: ప్రముఖ స్వాతంత్య్ర యోధుడు, ‘పంజాబ్ కేసరి’ లాలా లజపతిరాయ్ 150వ జయంతి సందర్భంగా గురువారం ప్రధాని నరేంద్ర మోదీ ట్విట్టర్‌లో ఆయనకు ఘనంగా నివాళులర్పించారు. ‘లజపతి రాయ్ జయంతి సందర్భంగా ఆయనను గుర్తు చేసుకుంటున్నాం. ఆయన ఎంతో దూరదృష్టి కలిగినవారు. ఆయన దేశభక్తి, ఆలోచనలు ఎందరికో స్ఫూర్తిదాయకం’ అని మోదీ తన ట్వీట్‌లో అన్నారు.