గీతాజయంతి
Published Friday, 9 December 2016సర్వమంగళకారిణి, సర్వసంశయ నివారిణి, సర్వార్ధ ప్రదాయిని అయిన భగవద్గీత మనిషికి తోడునీడఅంటే అతిశయోక్తికాదు. జీవన సంగ్రామంలో విజయాన్ని చేకూర్చడానికి భగవద్గీతనే ఉత్తమోత్తమైన అహింసాయుధం. ఉపనిషద్గోవుల దుగ్దము భగవద్గీతఅని పండితులు అంటారు. వేదాంగవేత్తలు భగవద్గీతను వేదాంత సారమని, బ్రహ్మవిద్య అనీ చెప్తారు. అర్జునునిఉపాధిగా చేసుకొన్న కృష్ణుడు జీవులయందు సమత్వమును, కర్మకౌశలమును మానవాళికి నేర్పించాడు. తెలిసినవారు గీత అద్వైతామృతమును బోధించుననియు, తద్వారా తత్వజ్ఞానంపొందుతారని దానివలన మోక్షం ప్రాప్తిస్తుందని అంటారు.