దంచికొట్టొచ్చు
Published Saturday, 24 September 2016హైదరాబాద్, సెప్టెంబర్ 23: రాష్ట్రంలోని చాలాప్రాంతాల్లో శనివారం భారీ నుంచి అతిభారీ వర్షాలు కురిసే అవకాశం ఉందని భారత వాతావరణ శాఖ (ఐఎండి) హెచ్చరించింది. గురువారం ఏర్పడిన అల్పపీడనం ఉత్తరకోస్తాంధ్ర, తెలంగాణ, దక్షిణ చత్తీస్గఢ్ మధ్యభాగంలో ప్రభావం చూపగా, ప్రస్తుతం ఇది తెలంగాణ, దక్షిణ చత్తీస్గఢ్, విదర్భ మధ్య కొనసాగుతోంది. ఇలాఉండగా నైరుతీ రుతుపవనాలు తెలంగాణ జిల్లాల్లో ఉద్ధృతంగానూ, ఆంధ్రలో చరుగ్గానూ ఉన్నాయి. అల్పపీడనంతో పాటు నైరుతీ రుతుపవనాల ప్రభావం ఉభయ తెలుగు రాష్ట్రాల్లో ఉంటుందని ఐఎండి స్పష్టం చేసింది.