ఒయాసిస్ 30
Published Saturday, 24 September 2016‘‘నాకే అనుకోండి. ఇవాళ మా ప్రిన్సిపాల్ రిజైన్ చేశాడు. కాశీలో వున్న అహోబలరావుగారికి ఫోన్ చేసి చెప్పాను. నన్ను ప్రిన్సిపాల్గా ఛార్జి తీసుకోమని చెప్పాడు. ఆయన రాగానే ఆర్డర్స్ ఇస్తానన్నారు..’’ అన్నది ఛాయ.
‘‘కంగ్రాట్స్.. మరి పార్టీ ఎప్పుడు?’’ అని అడిగాడు రణధీర్.
‘‘దానికేం భాగ్యం.. రాత్రికి రండి..’’ అన్నది ఛాయ.
రాత్రి ఎనిమిదింటికి రణధీర్ వెళ్ళగానే ఛాయ నవ్వుతూ ఆహ్వానించింది.
ఉల్లిపొరలాంటి తెల్లని కుర్తా పైజమా ధరించింది. శరీర సౌష్టవం కనిపించీ కనిపించకుండా ఉంది.
‘‘ప్రిన్సిపాల్గారికి అభినందనలు..’’ అన్నాడు రణధీర్. ఛాయ షేక్ హ్యండిచ్చింది.